Be kaif hain ye saghar o meena tere baghair
asaan hua hai zeher ka peena tere baghair
kya kya tee firaaq mai ki hain mushaqaten
ek ho gaya hai khoon paseena tere baghair
jajchta nahi hai koi nigahon mai aj kal
be aks hai ye deeda e beena tere baghair
kin kin bolandiyon ki tamnna thi Ishq mai
tey ho saka na aik bhi zeena tere baghair
Tu ashnai shiddat e ghum ho tu kuch kahon
kitna bara azaab hai jeena tere baghair
sahil pe kitne deeda o dil farsh raah thay
utra na paar dil ka safeena tere baghair
baqi kisi bhi cheez ka dil per asar nahi
pathar ka hogaya hai ye seena tere baghair
No comments:
Post a Comment