Jante ho Mohabat kya hai? Apne qeemti waqt ke kuch lamhe kisi ko de dena, kisi ki sn lena

Jante ho Mohabat kya hai?
Apne qeemti waqt ke kuch lamhe
kisi ko de dena, kisi ki sn lena
Kisi ki aankhon se aansu ko chunn lena
Kisi ke zakhmon par naram lehjay mai,
Marham rakh lena aur kisi ko izzat ka
Ehsaas dena
Bus yehi Mohabbat Hai

Andhiyan gham ki chalin aur karb badal chha gae, Tujh se kaise ho milan sab raste dhundla gae, urdu ghzal, urdu poetry by urooj,

Andhiyan gham ki chalin aur karb badal chha gae
Tujh se kaise ho milan sab raste dhundla gae 

Kirchi kirchi khvahishen ankhon men chubh kar rah gaiin 

Zard mausam aas ki hariyaliyon ko kha gae 

Main ki jis ne har saubat muskura kar jhel li 

Manzilen aaiin to kyuun ankhon men aansu aa gae 

Tere na aane ke dukh men shiddaten phulou ne kiin 

Waqt se pehle hi sab gajre mire murjha gae 

Qaht jazbon ka pada veeran se hain dil ke nagar 

shahr par aaseb shayad hijr ke manDla gae 

Daava chahat ka nahin par jab use socha 'urūj' 

Phuul Khushbu rang taare aankh men lahra gae 

Aey mohabbat tere anjam pe rona aaya, Jaane kyun aaj tere naam pe rona aaya, best urdu ghazal, urdu poetry, heart touching poetry,

Aey mohabbat tere anjam pe rona aaya
Jaane kyun aaj tere naam pe rona aaya 

Yuun to har shaam umeedon mein guzar jaati hai 

Aaj kuchh baat hai jo shaam pe rona aaya 

Kabhi taqdir ka matam kabhi dunya ka gila 

Manzil-e-ishq mein har gaam pe rona aaya 

Mujh pe hee khatm hua silsila-e-nauhagari 

Is qadar gardish-e-ayyam pe rona aaya 

Jab hua zikr zamane mein mohabbat ka  

Mujh ko apne dil-e-nakam pe rona aaya