Naya saal aaya naya saal aaya
Umidon ka dil men diya jagmagaya
nae saal ka ham ko paigham kya hai
nae saal men ab naya kaam kya hai
purana tarīqa badalnā hai ham ko
taraqqi ki rahon pe chalna hai ham ko
andhere ke daman ko ham chaak kar den
vatan ki fazaon ko nur-e-sahar den
sunen dard-mandon kī fariyad kya hai
ġharibon pe dar-asl uftad kya hai
uthen aur dukhiyon ka dukh duur kar deñ
masarrat se har dil ko ma.amur kar den
nai raushni se faza jagmagaen
nae saaz par ab nae geet gaaen
