Mujhe Bhulane Ka Jis Waqt Faisla Karna, Phir Apni Aankhon Se, Sad Poetry, Images Urdu Poetry, Judai Poetry

Mujhe Bhulane Ka Jis Waqt Faisla Karna 

Phir Apni Aankhon Se Khuwabon Ko Bhi Riha Karna 

Bus Aik Tum Ho Jissey Dil Ki Baat Kehte Hain 

Humaari Baton Ka Sab Se Na Tazkira Karna 

Chune Hain Hum Ne Kuch Ajnabi Raste 

Jo Ho Sake To Humare Liye Dua Karna 

Gar Judaai Ka Pouchay Koi Sabab Tum Se 

To Hum Pe Nit Naye Ilzaam Dhar Liya Karna 

Hum Aise Qabeele Main Reh Rahe Hain 

Jahaan K Logon Ne Seekha Hai Sirf Wafa Karna

RuK Jaa Mere PardeSi Bheegi Palkon Ka Salam Leta Ja, Heart Touching Poetry, Sad Poetry, Images Poetry, New Urdu Poetry

RuK Jaa Mere PardeSi Bheegi Palkon Ka Salam Leta Ja 

Mere Shehar Se Jaa Raha Hai To Koi inaam Leta Jaa 

in Roti Hoi Aankhon Mein iK umeed Hai Baqi 

Aankhon K Es Mai-Khane Se Thora Sa Jaam Leta Jaa 

Kuch Pal K Liye ab To Tu Hai Mera Mehman 

Mere DiL Chahaton Bhari Duain Tamam Leta Jaa 

HuM KaiSe Reh Payen Gay TuM Se BiCharne K Baad 

Jaate Jaate Es Dil Ka alkhaan Kehta Jaa 

Kia Khabar K Meri Sansain Toot Na Jayen 

Es Chahat Bhare Dil K Sare armaan Leta Jaa

Main Jab Bhi Raat Ki Tareeki Mein Hoti Hoon Akeli, Sad Poetry, Images Poetry

Main Jab Bhi Raat Ki Tareeki Mein Hoti Hoon Akeli 

Teri Yaadon Ko Aapne Pas Bula Leyti Hoon

Jab Barh Jaati Hai Teri Yaad Had Se 

To Teri Yaad Mein Kai Aansu Baha Leyti Hoon

Na Dekh Ley Meri Aankhon Mein Tera Chehra Koi 

Raaton Ko Roney Se Pehley Charaghon Ko Boojha Deti Hoon 

Main Soti Hi Nahi Raat Bhar Ye Aadat Hai Meri

Kitni Gustaakh Hoon Tum Ko Bhi Saath Jaga Deti Hoon

                                     (Parveen Shakir)

Rah de wich khalona okha, Apna ap lakona okha, Sultan bahu poetry, Punjabi Poetry

Rah de wich khalona okha 

Apna ap lakona okha 

Eni wadh gai dunya-dari 

Kallyan beh k rona okha 

Dagh mohbt wala BAHU

Lag javay te dhona okha 

Kallyan ishq kamona okha 

Kisy nu yaar bnana okha 

Piyaar piyaar te hr koi boly

Kar k piyaar nibhana okha

Dukhaan te hr koi has lenda

Kisy da dard wandona okha

Galaan nal nai rutby mildy

Jogi bhais watona okha 

Koi kisy di gal nai sunda 

Lokaan nu samjona okha..! 

                                     Sultan Bahu

Yun Tere Husn Ki Tasveer Ghazal Mein Aaye, Jese Balqees Sulaiman K Mehel Mein Aaye, Heart Touching poetry, Urdu Image Poetry

Yun Tere Husn Ki Tasveer Ghazal Mein Aaye 

Jese Balqees Sulaiman K Mehel Mein Aaye, 

Jabar Se Aik Howa Zaiqa-e-Hijar-O-Wisal 

Ab Kahan Se Wo Maza Sabar K Phal Mein Aaye, 

Hamsafar Thi Jahan Farhad K Taishe Ki Sada 

Wo Maqamat Bhi Kuch Sair-o-Jabal Mein Aaye, 

Ye Bhi Aaraish-e-Hasti Ka Taqaza Tha K Hum 

Halqa-e-Fikr Se Maidan-e-Amal Mein Aaye, 

Har Qadam Dast-o-Greban Hai Yahan Khair Se Shar 

Hum Bhi Kis Marka-e-Jang-o-Jadal Mein Aaye, 

Zindgi Jin K Tasawur Se Jila Pati Thi

Hai Kia Log Thay Jo Dam-e-Ajjal Mein Aaye...

Pa Rahat ki kho ba har sari yar she, yar haga de che pa sahta ki pakar she, Rehman baba pashto poetry

  *~Rehman baba~*

Pa Rahat ki kho ba har sari yar she

yar haga de che pa sahta ki pakar she,

tool khpalwan trena tawege che ameer v

che gareeb shi har sare trena juda she

na zowanege bode khaza ka singar shi,

haqeqe mena haga da AY,

*REHMANA *

Che mazar sara de jor mazar da yaar she.

Mene socha tha, Aj aap ayen ge to ro doon gi, Sad Poetry, Images Poetry

Mene socha tha, Aj aap ayen ge to ro doon gi, 

Aap puchain ge, To sab haal keh doon gi, 

Keh doon gi ke kitne din huye soyi nahi, 

Woh konsi bhool hai jo hoi nahi, 

Kitaab fridge mein, Glass shelf mein rakha, 

Peer ka din tha jumeraat likha, 

Saheli se shikwa karna tha usey spaas likha, 

TV per geet tha Azaan nahi, 

Mene chonk kar aanchal sar per rakha, 

Kya haal kar diya mera, 

Mujhe kisi kaam ka na rakha, Or… 

Jab aap ne aakar poocha, 

Kya haal hai ? 

To mein itna hi keh saki, "Theek Hoon"

Abhi kamsin ho rehne do kahin kho do gi dil mera, Tumhare hi liye rakha hai, le jana jawan ho kar, Urdu Image Poetry

Abhi kamsin ho rehne do kahin kho do gi dil mera, 

Tumhare hi liye rakha hai, le jana jawan ho kar

Na kamsin hun na nadan hun mohabat ko samjhti hun, 

Tumhara kya bharosa hai mukar jao jawan ho kar

Chal "DIL" apny gaon me, Yahan ujlay ujlay roop boht, New Urdu Poetry

Chal "DIL" apny gaon me.

Yahan ujlay ujlay roop boht

per asli km behroop boht 

Us shajar k nichy kiya rukna 

Jahan saya km ho dhoop boht 

Chal "DIL" apny gaon me 

Bethen gy sukh ki chhaon me 

Q? Teri aankh sawali hai 

Yahan her ek baat nirali hai 

Is dais basera mat karna 

Yahan muflis hona gaali hai 

Chal "DIL" apny gaon me 

Jahan sachey rishty yaaron k 

Jahan wadey pkky pyaron k 

Zanjeer na koi paon me 

Chal "DIL" apny gaon

Baha K Aansu Usne Mujse Ek Sawal Kia, Kyun Aakhir Tum Ne Is Qadar Mujse Piyar Kia, Picture Poetry, Heart Touching Poetry, Sad Poetry, Images Poetry

Baha K Aansu Usne Mujse Ek Sawal Kia

Kyun Aakhir Tum Ne Is Qadar Mujse Piyar Kia

Kuch Aese Usky Sawal Ne Muje Tarpa Dia

K Bari Mushkil Se Mene Apne Aansu'on Ko Chupa Dia

Usne Apni Qasam De K Kaha k Meri Shadi Me Zarur Ana

Mene Hans K Us Waqt Haan Me Sar Hila Dia

Meri Hansi Ne Usy Kch Aese Tarpa Dia

Usne Phir Se Rote Hue Mujhse Wohi Sawal Kia

Usky Aansu Ko Saaf Krte Hue Mene Aakhir Yeh Jawab Dia

Nahi Karti Me Tum Se Pyar Jao Mene Tumhe Aazad Kia

Wo shub kese guzri mujh par me kya btaun tum ko ae dil

Mukhtasir kehta hun k us ne mujhy zinda dafna Dia

Niyat hi Agar Thek Zamane ki Nahi Hai, Jaldi to Mjhe Bhi Kahin Jane Ki Nahi Hai, Sad Poetry, Images Poetry, New Urdu Poetry

Niyat hi Agar Thek Zamane ki Nahi Hai

Jaldi to Mjhe Bhi Kahin Jane Ki Nahi Hai

Jin Khwabon Ki Tabeer Par israr Hai Tum ko

Un Khwabon Ki Tabeer Batane Ki Nahi Hai

Jis Baat Ko Phirte Ho Chupaye Hue Dil Me

Wo Baat Kisi Se B Chupane Ki Nahi Hai

Is Bheer Me Saye Se Bicharta Hua Saya

Kehta Hai Yahn Sath Nibhane Ki Nahi Hai

Jalte Hue Shahron Me izafa Hi to Hoga

Jab Rasm Koi Aag Bujhane Ki Nahi Hai

Jo tere Liye WaQt Se Larte Hain Abhi tak

Un ko to Khabar Hi Tere Ane Ki Nahi Hai

Dukh ye Hai tu Sach Sunne Ki Aadi Nahi Wrna

Ye Umar Tujhe Khwab Dikhane Ki Nahi Hai

Kabi kitna chaha tha kabi kitna mana tha, Kabi izhar karti thi kabi iqrar karti thi, Picture Poetry, Heart Touching Poetry, Sad Poetry, Images Poetry, New Urdu Poetry

Kabi kitna chaha tha kabi kitna mana tha 

Kabi izhar karti thi kabi iqrar karti thi 

Na jany kahan gaya wo waqt k jab 

Mai tujhsy bohat pyar karti thi.? 

Dukha lIya dil jitna dukhana tha 

Kabi bakwas karti thi kabi bardasht karti thi. 

Sochty tUm bhi hogay 

Kya larki hai ye 

Kabi ye pyar karti thi 

Kabi inkar karti thi

Kya likhun, Keh ab to thak chuki hun likh likh kar, Dard jo bhi sahay hain wo likhun, By parveen Shakir Ghazal

Kya likhun? 

Keh ab to thak chuki hun likh likh kar.. 

Dard jo bhi sahay hain wo likhun. 

Ya Dard dene wale ka hosla likhun? 

Ya apni bebasi ka falsafa likhun? 

Ya us k door honay tak ka faasla likhun? 

Aakhir kya likhun? 

Ab to dard itna honay laga hy, 

k dil phata jata hai 

Q hota hai dard mujhe? 

kya wo haadsa likhun? 

Ya kuch na likhun aur tor dun Qalam? 

Ya ye likhun k ab mujhe marne ka shoq hy? 

Lekin maroon bhi to kis k liye? 

Kon hai jo mujhe kandha dega? 

Kon hai jo mujhe yad karega? 

Wo?? 

Jo jeete jee baat nahi karte 

Ya Wo?? 

Jo bhule se bhi yaad nahi karte 

              ---PARVEN SHAKIR---

Shararat lekar aankhon mai wo iss ka dekhna toba, Urdu Poetry, urdu sms,

Shararat lekar aankhon mai wo iss ka dekhna toba

Mai nazron pe jami nazrein, jhukana bhool jata hon..

Milta bhi nahi tumhare jesa koi iss sheher mai, Hame kya maloom tha? Tum aik ho wo bhi kisi or ke, Urdu Image Poetry, Heart Touching Poetry

Milta bhi nahi tumhare jesa koi iss sheher mai

Hame kya maloom tha? Tum aik ho wo bhi kisi or ke...

Maine khud ko de diya hai tujhko Main tera tera hoon tera, Bollywood song poetry

Maine khud ko de diya hai tujhko

Main tera tera hoon.. tera

Kaate na kate, leta hai yeh karvatein

Din mera.. din mera..

Aa tujh mein bitaaoon ratiyaan

Dil dil ko sunaaye batiyaan

Aa tujh mein bitaaoon ratiyaan

O tu mujh mein kahin pe bas jaa..

Tune chhuaa..

To main dhadakne laga Dil ki dua..

Hothon pe rakhne laga 

Bara Ishq Ishq Tu Kerna Ain, Kadi Ishq Da Gunjal Khool Ty Sai, Punjabi Poetry by waris Shah

Bara Ishq Ishq Tu Kerna Ain

Kadi Ishq Da "Gunjal" Khool Ty Sai,

Tenu "Mitti" Vich Na Rool Devay

Do Pyar De "Bol" Bol Ty Sai,

Sukh Ghat Tay "Dard" hazar Milla'n

Kadi Ishq Nu "Takri" Tol Ty Sai,

Teri Hasdi Aakh Vi "Pijj" Javay Sajna....!

Kadi Sanoo Andro'n "Phol" Ty Sai..

Kyun Bhool Gay Hmko Rishta to Purana tha, Ik Ye Bhi Zmana Hai ik Wo Bhi Zamana tha, Urdu Best Poetry

Kyun Bhool Gay Hmko Rishta to Purana tha

Ik Ye Bhi Zmana Hai ik Wo Bhi Zamana tha

Rangin Fizayn thi or Shokh Adayn thi

Jazbon Me jwani thi Mosam Bhi Suhana tha

Siny se lgaya tha Ankhon Pe Bithaya tha

Malum Na tha Tm Ne Yu Chor k jana tha

Kyun Hm sy khafa Ho tm Kyun Hm se juda Ho Tm

Kya jurm Hua Hm sy Itna to Btana tha

Nafrt sy Bhari Nazren Ik jan Hi le bethi

Tukry Hi kiye dil K Kya khoob Nishana tha,

Q bhool gay hum ko?

Rishta to purana tha...

So ja keh abhi chaand sar-e-baam nahi hai, Yeh raaz-e-muhabbat abhi ilzaam nahi hai, Classical Poetry, Urdu heart touching poetry

So ja keh abhi chaand sar-e-baam nahi hai, 

Yeh raaz-e-muhabbat abhi ilzaam nahi hai, 

Is aashiq-e-nadaan ki khabar kuch to liya kr, 

Maana k tere dil mein mera naam nahi hai, 

Woh shakhs bhi kya shakhs tha, khushbu ki tarah tha, 

Khushbu bhi woh jo sheher mein ab aam nahi hai, 

Madhosh huye jaatey ho aankhon ki nami pr, 

Yeh aankh k moti hain, koi jaam nahi hai, 

Yeh piyaar ki nazmein, yeh muhabbat bhari baatein, 

'MoHSiN' tumhein or koi kaam nahi hai

Jab bhi do Aansu Nikal kar reh gaye, dard ek Unwan badal kar reh gaye, Sad Urdu Poetry

Jab bhi do Aansu Nikal kar reh gaye, 

dard ek Unwan badal kar reh gaye, 

Kitni faryadain Labon Par Ruk gayen , 

kitny Aashk Aahon may dhal kar reh gaye, 

Rukh badal jana meri taqdir ka 

Aap he taivar badal kar Reh gaye 

Khul k Rone ki tamanna thi hamay 

Aek do Ansu Nikal kar Reh gaye 

Zindagi bhar Sath dena tha jinhen , 

Do qadam hamrah Chal kar reh gaye. 

Tere Andaz-e tabssum ka fasoon 

Hadsy pehlu badal kar Reh gaye.

Dabi Dabi see Wo Muskurahat, Labon Pe Apny Saja Saja Ke, Best Urdu Ghazal, Image Poetry

Dabi Dabi see Wo Muskurahat 

Labon Pe Apny Saja Saja Ke... 

Wo Narm Lehjay Mai Bat Karna 

Adaa Se Nazrein Jhuka Jhuka Ke... 

Wo Aankh Teri Shararti see 

Wo Zulf Mathay Pe Nachti see...

Nazar Haty Na Ek Pal Bhi 

Main Thak Gaya Hon Hata Hata ke.. 

Wo Tera Hathon Ki Unglion Ko 

Mila Ke Zulfon Me Kho Sa Jana.. 

Haya Ko Chehry Pe Phir Sajana 

Phool Chehra Khila Khila Ke 

Wo Hath Hooron Ke Ghar Hon Jesy 

Wo Paaon Paryon Ke Par Hon Jesy 

Nahin Hai Teri Misaal Janaaa 

Main Thak Gaya Hon Bata Bata ke..

Mere Wajood Ki Mujh Mein Talash Chor Gaya, Jo Pori Na Ho Kabhi Aisi Aas Chor Gaya , best Urdu ghazal

Mere Wajood Ki Mujh Mein Talash Chor Gaya  

Jo Pori Na Ho Kabhi Aisi Aas Chor Gaya  

Yehi Karam Nawazi Us Ki Mujh Pe Kam Hai Kia 

Ke Khud Tu Door Hai Yaaden Tu Paas Chor Gaya 

Jo Khawishen Thi Kabhi Hasraton Mein Dhal Gai Ab  

Mere Labon Pe Wo Ek Lafz Kash Chor Gaya 

Ye Mera Zarf Hai Ik Roz Us Ne Mujh Se Kaha 

Ke Aam Logon Mein Ek Tujh Ko Khas Chor Gaya 

Sard Mosam Se Mujhe Isi Liye Tu Nafrat Hai 

Inhi Raton Mein Mujhe Wo Udas Chor Gaya 

Yun akelay men usay ehl-e-wafa yad aaey, Jesay banday ko museebat men khuda yad aaey, Urdu Image Poetry

Yun akelay men usay ehl-e-wafa yad aaey, 

Jesay banday ko museebat men khuda yad aaey 

Jesay ujray huay panchi ko nasheman apna,

Jesay apnon k bicharnay pe dua yad aaey.

Jesay dhalti huee shamon ko sawera koi,

Jesay pinjray men parinday ko Fizaa yad aaey,

Jesay boorhay ko khyalat men bachpan apna,

Jesay bachay ko shrarat pe saza yad aaey.

Jesay ujri huee basti ko zamana apna,

Jesay tufaan k thehernay pe diya yad aaey.

Jesay palkon k jhapaktay he kinaray bhegen,

Jesay us roz, hua kon juda, yaad aaey

Jesay sooraj ki tamazat men ghata yaad aaey,

Yun akely men usay ehl-e-wafa yad aaye

Qasam unki jo hamain azmaye baithe hain, pass hain dil ke par dur jakar baithay hain, Urdu best shairi,

Qasam unki jo hamain azmaye baithe hain

pass hain dil ke par dur jakar baithay hain...

nazron say nazrain milain to baat ho...

mushkil toh ye hai ki wo nazrein jhukaye baithay hain...

Humne jo ki thi mohabbat, aaj bhi hai, Love Poetry, Urdu best poetry

Humne jo ki thi mohabbat, aaj bhi hai

Teri Mohebat ke saaye ki chahat aaj bhi hai..

Raat kat ti hai aaj bhi khayalo me tere

Deewano si woh meri halat aaj bhi hai..

Kisi aur ki tasaweer ko uthati nahin

Beimaan aankho me thodi si sharafat aaj bhi hai..

Chah ke ek baar chahe fir chod dena tu

Dil tod tujhe jaane ki ijaazat, aaj bhi hai..

Bina Wajeh Rakhain Khud Ko Beqaraar Bhi Kiun, Alone Poetry, Bewafa Poetry

Bina Wajeh Rakhain Khud Ko Beqaraar Bhi Kiun?

Jo Tu Nahi Hai Tou Phir Tera Intezaar Bhi Kiun?

Akailay Pan Ka Safar Jab Mera Muqaddar Hai

Tou Phir Ay Waada-Shikan Tera Intezaar Bhi Kiun?

Ussey Ganwa Ke Ab Raho Khizaaon Ki Zad Mein

Jo Wo Nahi Hai Tou Phir Mausam-e-Bahaar Bhee Kiun?

Agar Bhulaaye Hue Usko Ek Umar Hui

Tou Phir Ye Aaj Tabeyet Hai Sogwaar Bhi Kiun?

Jab Usko Shoq Tha Raston Ki Dhul bnane Ka

Palat Kar Dekhta Jaata Tha Baar Baar Bhi Kiun?

Dil Sheeshe se nahin banta, Agar banta toh tootne ki aawaz aati, Urdu sad Poetry, Sad image poetry

Dil "Sheeshe" se nahin banta,

Agar banta toh tootne ki aawaz aati ..

Dil "Patthar'' se nahin banta,

Agar banta toh girne ki aawaz aati..

Dil "Mitti" se nahin banta,

Agar banta toh bikharne ki aawaz aati..

Dil agar banta hai toh "Jazbaat" se !

Agar "Toot" bhi jaaye.. ''Gir" bhi jaaye.. 

"Bikhar" bhi jaaye. Toh aawaz nahin aati,

Sirf "Aansoo" behte hain ....!:'(

Pyar mein dard hi dard kyun hai, is khushi mein chupa ghum kyun hai, sad urdu poetry, udas poetry, ansu poetry

Pyar mein dard hi dard kyun hai

is khushi mein chupa ghum kyun hai.

hamesha kiya tha intzaar pyar ka maine

To ye aankhen nam kyun hain.....

Ae dil kisi ki yaad mein rona fizoolhai

Aansoo bade anmol hai....inhe khona fazool hai

Ro tu unke liye jo tum par nisaar hai

Unke liye kya rona jinke aashiq hazaar hai

Dastaan-e-wafa bas itni si hai, Uski khatir usi ko chor diya, best Poetry, Alone Poetry

Dastaan-e-wafa bas itni si hai

Uski khatir usi ko chor diya!!!

Bohat Mehdood sa ek halqaa-e-Ehbaab thaa Mera, Faqat mastiyaaan Shetanyiaan Nadaaniyaan aur Main, Urdu Image Poetry

Bohat Mehdood sa ek halqaa-e-Ehbaab thaa Mera

Faqat mastiyaaan Shetanyiaan Nadaaniyaan aur Main

Abhi bhee Halqaa-e-Ehbaab Mehdood hai Mera

Faqat khamoshiyaan Tanhaiyaan Udasyiaaan or Main

Laal Jore Mein Lipti Huwi, Kisi Gulaab Ki Tarah,Wo Ajeeb Si Larki, Urdu Poetry, Most favourite poetry,

Laal Jore Mein Lipti Huwi, 

Kisi Gulaab Ki Tarah,Wo Ajeeb Si Larki, 

Doobi Huwi Thi Gham-E-Yaar Mein, 

Kho Gai Youn Wo Yadon Mein, 

Sookh Gai Mehndi BarsatoN Mein, 

Kaajal Tha Jo Laga Aankh Mein, 

Dhul Gya Aansuon Ki Barsaat Mein, 

Laali Thi Jo Honton Pe, 

Baali Thi Jo Kano Mein, 

Naak Ki Nathlli Bhi Udaas Thi, 

Mann Mein Liye Ek Piyaas Thi, 

Maang Thi Sooni JisKi Sandoor Se, 

Rehti Wo Har Pal udas Thi, 

Wo Ajeeb Si Lag Rahi Thi Larki, 

Jo Doobi Huwi Rehti Thi Gham-E-Yaar Mein, 

Katti Huwi Rehti Thi Jo SansaaR Mein, 

Pagal Thi Wo Kisi K PyaaR Mein, 

Koi Hum Dard Hum Raaz Na Tha, 

Koi Dost Na UsKe Paas Tha, 

Rehti Hai Wo Tanha Tanha, 

Ab Bhi Karti Hai Wo Kisi Se, 

Mohabbat Shayad Bepanah, 

UsKi Yadon Mein Khoi Lagti Hai, 

Mujhe Wo Roi Roi Lagti Hai.

Usay kehna Bazaahir to, Hawaein Badli Badli hain, Best Image Poetry, Urdu Best Poetry

Usay kehna Bazaahir to, 

Hawaein Badli Badli hain, 

Chaman bhi Badla Badla hai, 

Mager DiL me Tumhari yaad ka Mosam nhi Badla, 

Teri chahat k phoolon ki, 

Abhi khushbu nhi Bikhri, 

Mere Andar Tmhari zaat ka Ehsas baqi hy, 

Tumhary Dam se Meri zindagi me saans baqi hy, 

Usay kehna Ye Fitrat ka taqaaza hy, 

k Mosam to Badaltay hain, 

Kabhi Mosam Badalnay se, Ye Aankhein Numm nahi karty, 

Dilon me Gham nhi karty, Mohabbat kam nahi karty.

Wo Jo Khud Pairvi-e-Ehd-e-Wafa Karta Tha, Mujhse Milta Tha Tou Talqeen-E-Wafa Karta Tha, Urdu best Poetry

Wo Jo Khud Pairvi-e-Ehd-e-Wafa Karta Tha 

Mujhse Milta Tha Tou Talqeen-E-Wafa Karta Tha

Uske Daman Main Koi Phool Nahi Meray Liye

Jo Meri Tangi-e-Daman Ka Gila Karta Tha

Aaj Jo Usko Bulaya Tou Wo Gumsum Hee Raha 

Dil Dharaknay Ki Jo Awaz Suna Karta Tha 

Aaj Wo Meri Har Ek Baat Ke Maainey Poochta ha Zindg

Jo Meri Soch Ki Tafseer Likha Karta Tha

Bohat Hi Muddat Ke Baad Kal Jab, Kitaab Maazi Ko Maine Khola, Urdu Image Poetry, Heart Touching Poetry

Bohat Hi Muddat Ke Baad Kal Jab,

Kitaab Maazi Ko Maine Khola,

Bohat Se Chehre Nazar Mein Utre,

Bohat Se Naamon Pe Dil Paseeja,

Ek Aisa Safha Bhi Us Mein Aaya,

Likha Hua Tha Jo Aansuon Se,

Ke Jiska Onwan Humsafar Tha,

Jo Safha Sabse Mo'atbar Tha,

Kuch Aur Aansu Phir Us Par Tapke,

Phir Usse Aage Main Padh Na Paya,

Kitab Maazi Ko Band Karke,

Tumhari Yaadon Mein Kho Gaya Main,

Agar Tu Milta To Kaisa Hota,

Inhi Khayalon Mein So Gaya Main...

Usay Barish Pasand hai mujhe Barish me wo, Love Poetry, Urdu Love Image Poetry

Usay Barish Pasand hai

mujhe Barish me wo..

Usay hasna Pasand hai

mujhe hanste hoye wo..

Usay bolna Pasand hai

muje bolte hoye wo..

Usay sub kuch Pasand hai

Or...

Muje bass wo....!

Balaaen Zulf-e-Jaanaan Ki Agar Lety To Hum Lety, Best Urdu Ghazal, Urdu Shayri, Romantic Poetry

Balaaen Zulf-e-Jaanaan Ki Agar Lety To Hum Lety, 

Bala Ye Kon Leta jaan Par, Lety To Hum Lety. 

Usy Kya Kaam Tha, Wo Bekhhabar Q Poochhta Phirta, 

Dil-e-Gumgushta Ki Apni Khhabar Lety To Hum Lety. 

Na Leta Mol Soda Koi Bazaar-e-Mahabbat Ka, 

Magar Kuchh jaan Apni Beich Kr Lety To Hum Lety. 

Koi Kya Tera Krta Naala, Krty Krty Mr jaata, 

Jo Badla Tujh Se Charkhh-E-KeenaWar! Lety To Hum Lety. 

Na Hota Hum Se HumBistar Agar, To Tera Kya jaata, 

Tarrap Kr Karvattein Yahan Raat Bhar Lety To Hum Lety. 

Na Hota koi MannatKash Teri Shamsheer Ka Hargiz, 

Ye Ehsaan Sar Pe Ae BedaadGar! Lety To Hum Lety..

Ashk Aankhon Mein Chhupatay Howay Thak Jata Hun, Urdu Poetry by Mohsin Naqvi.

Ashk Aankhon Mein Chhupatay Howay Thak Jata Hun

Bojh Paani Ka Uthaatay Howay Thak Jaata Hun

Paon Rakhtay Hain Jo Mujh Per Unhain Ehsaas Nahi

Mein Nishaanaat Mitaatay Howay Thak Jaata Hun

Barf Aisi Ke Pighalti Nahi Paani Ban Kar

Pyaas Aisi Ke Bujhaatay Howay Thak Jaata Hun

Achi Lagti Nahi Is Darja Shanasaayi

Haath Haathon Se Milaatay Howay Thak Jaata Hun

Gham Gusaari Bhi Ajab Kaar-e-Mohabbat Hai Ke Mein

Ronay Waalon Ko Hansaatay Howay Thak Jaata Hun

Itni Qabrain Na Banao Mere Andar "Mohsin"

Mein Charaaghon Ko Jalaatay Howay Thak Jaata Hun 

Woh Boli, Dil Ko Koi Be-Yakeeni Hai Mohabbat Mein, Main Bola, Theek Hai Per Ishq To Imaan Hota Hai, Urdu Longest Ghazal, Image ghazal, Best lenghty Ghazal, Large Poem

Woh Boli, Dil Ko Koi Be-Yakeeni Hai Mohabbat Mein

Main Bola, Theek Hai Per Ishq To Imaan Hota Hai

Woh Boli, Aarzuein Dil Ke Andsar Been Karti Hain

Main Bola, Theek Hai Mujh Ko Sunayi Dete Hain

Woh Boli, Hum To Jaise Eik Musalsal Dukh Ke Qaidi Hain

Main Bola, Theek Hai Yeh Zindagi Dukh Ka Tasalsul Hai

Woh Boli, Koi Shab To Khwab Mein Bhi Khwab Aate Hain

Main Bola, Theek Hai Kuch Hasratein Aise Bhi Karti Hain

Woh Boli, Baarishon Mein Aur Zyada Jaan Sulagti Hai

Main Bola, Theek Hai Yeh Aag Paani Ke Masail Hain

Woh Boli, Raat Kyun Mushkil Se Kat'ti Hai Judai Mein

Main Bola, Waqt To Kaifyaton Ka Naam Hota Hai

Woh Boli, Chahaton Mein Dard Ke Rehne Ki Khwaish Kyun

Main Bola, Dard Ke Maare Huon Ko Chain Milta Hai

Woh Boli, Rooh Ki Aasodgi Ko Kya Zaroori Hai

Main Bola, Rooh Ko Aalodgi Achi Nahin Lagti

Woh Boli, Chand Ki Aur Chandni Ki Kya Kahani Hai

Main Bola, Aadam-o-Hawa Kki Chahat Ki Nishaani Hai

Woh Boli, Be-Saropa Khwaishein Beemar Rakhti Hain

Main Bola, Aadmi Andoa Ke Batin Se Nikla Hai

Woh Boli, Door Reh Ker Dard Barh Jata Hai Seene Mein

Main Bola, Qurbatein Bhi Hijar Ke Khudshe Barhaati Hain

Woh Boli, Shaam Hote Hi Udaasi Phail Jaati Hai

Main Bola, Raat Bhi To Aansuon Se Ishq Karti Hai

Woh Boli, Zindagi Mein Tu Nahi To Zindagi Kab Hai

Main Bola, Har Taraf Ik La-Ubali Maut Hadwi Hai

Woh Boli, Ishq Ka Apna Ilehda Rang Hota Hai

Main Bola, Rang Ka Apna Ilehda Ishq Hota HAi

Woh Boli, Dil Ko Koi Be-Wajah Sa Khauf Rehta Hai

Main Bola, Ishq To Be-Baak Logon Ka Hi Shewa Hai

Mohabbat Eik Pal Bhi Sukh Nahi Deti, Kaha Us Ne

Kaha MAin Ne, Mohabbat Ke Ilawa Kaun Sa Sukh Hai

Mohabbat Shehar Bhar Mein Goonj Jaati Hai, Kaha Us Ne

Kaha Main Ne, Mohabbat Ke Chupa Rehne Ki Khwaish Kiya

Mohabbat Chup Nahi Rehti Kisi Pal Bhi, Kaha Us Nne

Kaha Main Ne, Mohabbat Bin To Kayinaat Goongi Hai

Mohabbat Zehan Ka Ik Khaas Aalim Hai, Kaha Us Ne

Kaha Main Ne, Mohabbat Rooh Ki Dehleez Hoti Hai

Mohabbat Be-Sabab Tarpaye Rakhti Hai, Kaha Us Ne

Kaha Main Ne Ke Yeh Asbaab Kya Shai Hai Mohabbat Mein

Woh Kehti Hai Sitaare Aansuon Mmein Kyun Chamakte Hain

Main Kehta Hoon Mohabbat Roshni Mein Rang Bharti Hai

Woh Kehti Hai, Hawa Ke Haath Mein Kya Kya Nahi Aata

Main Kehta Hoon, Jo Dehleezon Ke Andar Dafan Hota Hai

Woh Kehti Hai, amaane Ko Dilon Se Ranj Kyunkar Hai

Main Kehta Hoon, Yeh Aazar To Sadiyon Ki Qismat Hai

Woh Kehti Hai, Tumhaare Baad Kyun Baarish Nahi Hoti

Main Kehta Hoon, Meri Jaan Hijar Sehraon Mein Rehta Hai

Woh Kehti Hai, Ke Khushiyon Mein Bhi Tum To Rone Lagte Ho

Main Kehta Hoon, Meri Aankhon Ko Sawan Acha Lagta Hai

Woh Boli, Tum Bhi Farhat Zindagi Se Rooth Jao Ge

Main Bola, Han, Shayed Mmaut Mujh Se Maan Jaye Gi

Woh Boli, Tum Khushi Ke Geet Ko Mayoos Karte Ho

Main Bola, Kya Karoon In Mukhtasar Geeton Ka Mausam Hai

Woh Boli, Tum To Farhat Khud Hi Khud Se Haar Jaate Ho

Main Bola, Kya Karoon Kamzor Hoon Aur Be-Sahara Hoon

Woh Boli, Kya Yeh Sab Kuch Itefaqan Hai Tumhara Gham

Main Bola, Yeh Bhi Mumkin Hai Yeh Sab Ehtaraman Ho

Mohabbat Mein Ghamon Ki Is Kadar Yalghar Kyun,.. Boli

Main Bola, Tum Kisi Din Yeh To Apne Aap Se Poocho

Woh Kehti Hai , Suno Farhat! Tumhara Khwab Kyun Toota

Main Kehta Hoon, Sarabi! Dil Mein Koi Kheench Parhti Thi

Tumhari Shairy Mein Zindagi Ki Siskiyan Kyun Hain

Main Bola, Aansuon Ki Ibtadayi Shakal Joh Thehri

Woh Kehti Hai Ke Farhat Shah Main Kuch Muztarib Si Hoon

Main Kehta Hoon, Sarabi! Tum To Meri Rooh Jaisi Ho

Woh Kehti Hai, Tumein Kyun Khauf Aata Hai Hawaon Se

Main Kehta Hoon, Sarabi! Deep To Aise Hi Hote Hain

Woh Kehti Hai, Chalo Farhat! Hawa Ke Saath Chalte Hain

Main Khamoshi Se Us Ke Saath Chal Deta Hoon Bujhne Ko

Woh Mujh Se Poochti Hai, Tum Kahan Gayab Ho Sadiyon Se

Main Kehta Hoon, Hazaron Wasooson Ke Darmiyaan Gum Hoon

Woh Mujh Se Poochti Hai, Raat Ki Bechainiyan Kya Hain

Main Kehta Hoon, Wohi Jo Dooriyon Ke Dil Mein Hoti Hain

Woh Mujh Se Poochti Hai, Khauf Ka Doraniya Kya Hai

Main Kehta Hoon, Jo Dil Aur Gham Ka Hota Hai Museebat Mein

Woh Mujh Se Poochti Hai, Badlon Ki Umr Kitni Hai

Main Kehta Hoon, Tamazat Ke Mutabiq Paniyon Ke Waqt Jitni Hai

Woh Mujhse Poochti Hai, Raat Itni Be-zuban Kyun Hai

Main Kehta Hoon, Zuban To Dard Ki Shiddat Se Hoti Hai

Woh Kehti Hai, Yeh Khamoshi Bhi Kuch To Sochti Hogi

Main Kehta Hoon, Wohi Jo Ghuftugo Ki Bheer Mein Kho Jaye

Woh Kehti Hai, Ke Farhat Kuch Dinon Se Bolte Kam Ho

Main Kehta Hoon, Kayi Dukh Bolne Se Rok Dete Hain

Woh Kehti Hai, Mujhe Yeh Soch Ker Batla Main Kaisi Hoon

Main Kehta Hoon, Sarabi! Sochne Mein Waqt Lagta Hai

Main Kehta Hoon, Tumhein Darya Kinare Kaise Lagte Hein

Woh Kehti Hai Tumhein Bichare Sahare Kaise Lagte Hein

Main Kehta Hoon, Mujhe Tum Hansti Gaati Achi Lagti Ho

Woh Mujh Se Poochti Hai, Dard Se Darne Lage Ho Kya

Woh Boli, Raat Se Kya Baat Karte Ho Akele Mein

Main Bola, Dard Ki, Kuch Kuch Mohabbat Ki, Judai Ki

Woh Boli, Chand Kya Aata Hai Tum Se Chonchlein Karne

Main Bola, Haan Kabhi Sapnon Ke Aangan Mein Utarta Hai

Woh Boli, Kaun Aksar Yaad Aata Hai Udaasi Mein

Main Bola, Kuch Puraane Raaste, Bachpan Aur Ik Larki

Woh Boli, Dard Ki Jaziyaat Mein Parne Se Kya Behtar

Main Bola, Dard Ko Khush Khush Sahein Aur Kooch Kar Jayein

Woh Boli, Zindagi To Dairon Ke Phailne Se Hai

Main Bola, Maut Bhi Ik Daira Hai Door Tak Phaila

Woh Boli, Rooh Ke Andar Kahin Per Aag Jalti Hai

Main Bola, Haan Dhuan Main Ne Bhi Dekha Hai Nigahon Mein

Woh Boli, Ik Dahekta Shor Sharyanon Mein Behta Hai

Main Bola, Haan Badan Per Aabley Maine Bhi Dekhein Hain

Woh Boli, Saans Per Bhi Dard Ke Korhay Baraste Hein

Main Bola, Haan Lahoo Per Neel To Maine Bhi Dekhein Hain

Woh Boli, Zaat Ki Teh Mein Na Jaane Kya Nahan Hoga

Main Bola, Jism Per Ubhri Waredon Se Bhi Zahir Hai

Woh Boli, Daq Zada Jeevan Chupati Phir Rahi Hoon

Main Bola, Nakhunon Ki Zardiyon Ne Ker Diya Aryan

Woh Kehti Hai, Teri Jaibon Mein Itne Khwab Kyunkar Hain

Main Kehta Hoon Ke Duniya Mein Mujhe Zinda Bhi Rehna Hai

Woh Kehti Hai, Tere Kalar Pe Mitti Ka Nishaan Kaise

Main Kehta Hoon Ke Majboori Alamat Chor Jati Hai

Woh Kehti Hai, Teri Aawaz Mein Masoomiyat Si Hai

Main Kehta Hoon Ke Yeh Mazloomiyat Ke Baad Aati Hai

Woh Kehti Hai, Tere Chehre Pe Karb Be-Karan Kaisa

Main Bola, Dil Ne Chehre Per Zara Sa Rang Chora Hai

Woh Kehti Hai, Tere Haathon Pe Zakhmon Ke Manazir Kyun

Main Kehta Hoon Ke Kuch Zevar Bare Anmol Hote Hain

Woh Boli, Umar Beeti Koi Bhi Milne Nahi Aaya

Main Bola, Umar Se Pooch Ke Aakhir Umar Kyun Beeti

Woh Boli, Husn Dhalne Ke Liye Hota Hai, Lagta Hai

Main Bola, Husn Ho, Ya Bakht Ho, Ya Chand Sooraj Hon

Woh Ab To Zulfon Mein Bhi Chandi Si Sarak Aayi

Main Bola, Rooh Tak Main Bhi Dararhein Parh Gayi Hongi

Woh Boli, Haath Dekho Be-Iradah Hi Larazte Hain

Main Bola, Haath Dikhlao To Phir Dekho Bhi Himmat Se

Woh Boli, Zindagi Ka Aakhri Kardaar Hairat Hai

Main Bola, Maut Se Pehle Koi Ghar Baar Hairat Hai

Woh Mujh Se Poochti Hai, Badalon Ko Kab Bulao Ge

Main Kehta Hoon, Tumhein Jab Dhoop Ka Mausam Sataye Ga

Woh Mujh Se Poochti Hai, Panchiyon Se Aashnayi Hai

Main Kehta Hoon Ke Ashkon Ke Qataron Se Bhi Waqif Hoon

Woh Mujh Se Poochti Hai, Shehar Ki Buniyaad Mein Kya Hai

Main Kehta Hoon, Kisi Jangal Ka Qatal Aam Hai Shayed

Woh Mujh Se Poochti Hai, Tum Samandar Mein Kabhi Utre

Main Bola, Ik Samandar Doosre Mein Kis Liye Utre

Woh Kehti Hai, Mujhe Mayoosiyan Rasta Nahi Deteen

Main Kehta Hoon NKe yeh Mayoosiyan Taqat Bhi Hoti Hain

Woh Kehti Hai, Bohat Tanha Hoon Main Is Puri Dooniyan Mein

Main Kehta Hoon Ke yeh Ehsaas To Ho Ga KHUDA Ko Bhi

Woh Kehti Hai Ke Mujh Per Shehar Ke Wehshi Lapakte Hain

Main Kehta Hoon Ke Tum Kardaar Ko Seena Sapar Ker Lo

Woh Kehti Hai, Hajoom Badrosh Se Khauf Aata Hai

Main Kehta Hoon, Mujhe Ujri Hui Galiyan Darati Hain

Woh Kehti Hai, Mujhe Be-Has Zamaane Se Shikayat Hai

Main Kehta Hoon Ke Yeh Shikwa Shikayat Rayigaan Hai Sab

Woh Boli, Tum Kahan Gayab Rehte Ho Raaton Ko

Main Bola, Main To Bas Aawara Phirta Hoon Udaasi Mein

Woh Boli, Phone Bhi Aksar Bohat Angej Rakhte Ho

Main Bola, Be Saropa Ghantiyon Se Khauf Aata Hai

Woh Boli, Tum Bohat Kanjoos Ho Khat Bhi Nahi Likhte

Main Bola, Khat Likhoon To Shairy Naraaz Hoti Hai

Woh Boli, Tum Kabhi Milne Chale Aao Jo Mumkin Ho

Main Bola, Yeh To Tum Ne Mere Dil Ki Baat Keh Di Hai

Woh Boli, Aaj Mausam Mein Ajab Si Khushgawari Hai

Main Bola, Han Yeh Mausam Pyaar Se Milne Ka Mausam Hai

Woh Kehti Hai Ke Ab Aawargi Se Kuch Nahi Haasil

Mujhe Hairat Hai Yeh Sab Kuch Woh Mujh Badal Se Kehti Hai

Woh Kehti Hai, Hawa To Banjh Pan Taqseem Karti Hai

Main Kehta Hoon, Magar Dharti Hawa KE bAS Se Bahir Hai

Woh Kehti Hai, Shabein Dhoke Mein Rakhti Hain Hamesha Hi

Main Kehta Hoon, Kahin Yeh To Nahi Dhoka Dinon Mein Ho

Woh Kehti Hai, Mujhe To Zindagi Se Eik Shikwa Hai

Hamesha Sailon Ko Maut Ke Saye Mein Rakhti Hai

Woh Kehti Hai, KHUDA Milta To Us Se Baat Karti Main

Main Kehta Hoon, Magar Main To Khamoshi Bant'ta Rehta

Woh Kehti Hai Ke Farhat Be-Zarar Rehna Nahi Acha

Main Kehta Hoon, Kayi Achaiyan Bas Mein Nahi Hoteen

Woh Kehti Hai, Meri Yaadon Se Kyunkar Door Rehte Ho

Main Kehta Hoon, Teri Parchaiyan Bas Mein Nahi Hoteen

Woh Kehti Hai, Tumhari Kuch Dua Bhi To Koi Ho Gi

Main Kehta Hoon, Jahan Tum Ho Yeh Raatein Bhi Wahin Hoteen

Ajab Ik Ma'noiyat Si Palat Aati Nazaron Mein

Tumhein Hum Dekhte Bhi Aur Baatein Bhi Wahin Hoteen

Sitaare Dekhne Aate Mujhe Teri Mohabbat Mein

Woh Kehti Hai, Sitaare Aur Sapne Jhoot Hote Hain

Woh Kehti Hai Ke Ab Roun To Aansoo Chubhne Lagte Hain

Main Kehta Hoon, Kisi Shayar Se Aankhein Maang Sakti Ho

Woh Boli, Aas Ki Faslein Kayi Beemar Hain Dil Mein

Main Bola, Jis Tarah Mumkin Ho Sawal Ko Bula Lao

Woh Boli, Main Adhoore Qaidiyon Ki Sif Mein Shamil Hoon

Main Bola, Is Ka Matlab Hai Ke Aazadi Nahi Mumkin

Woh Boli, Kuch Likhoon To Ungliyon Se Khoon Rasta Hai

Main Bola, Main To Aise Mein Bhi Apne Dil Se Likhta Hoon

Woh Boli, Dard Ne Asab Ko Murda Bana Daala

Main Bola, Ishq Ki Bechainiyon Se Zindagi Ker Lo

Woh Kehti Hai, Agar Sab Raaste Masdwa Ho JAyein

Main Kehta Hoon, To Phri Aap Tak Mehdood Ho Jayein

Woh Kehti Hai, Agar Be-Chainiyan Be-Sod Ho Jayein

Main Kehta HOON, Fana Fi Alnar Hasat o Bod Ho Jayein

Woh Kehti Hai, Agar Veraniyan Raste Mein Aa Jayein

Main Kehta Hoon, Hazaron Gham Bohat Saste Mein Aa Jayein

Woh Kehti Hai, Tumhein Takhti Pe Apne Harf Likh Doon To

Main Kehta Hoon, Teri Baatein Mere Baste Mein Aa Jayein

Woh Kehti Hai, Balayein Jab Bhi Mera Naam Leti Hain

Main Kehta Hoon, Tujhe Meri Duayein Thaam Leti Hain

Woh Mujh Se Poochti Hai, Mujh Se Baatein Kyun Nahi Karte

Main Kehta Hoon, Abhi To Dekhne Ki Manzilon Per Hoon

Woh Mmujh Se Poochti Hai, Shaam Kya Veraan Hoti Hai

Main Kehta Hoon Ke Yeh To Hijar Ki Pehchaan Hoti Hai

Woh Mujh Se Poochti Hai, Ratjaon Ka Rang Kaisa Hai

Main Kehta Hoon Ke Jaise Jaagne Wale Ki Aankhon Ka

Woh Mujh Se Poochti Hai, Hijar Ki Qismein Bhi Hoti Hain

Main Kehta Hoon, Jitne Wasl Utne Hi Hijar Hote Hain

Woh Mujh Se Poochti Hai, Pyaar Ka Matlab Batao Ge

Main Kehta Hoon Ke Har Ik Baat Ka Matlab Nahi Hota

Woh Boli, Raaste Mein Dard Ke Kitne Samandar Hain

Main Bola, Aahkri Jo Zabt Se Bahir Nikal Aaye

Woh Boli, Ab To Mujh Mein Zabt Ka Yara Nahi Baaqi

Main Bola, Doobne Ko Phir To Tum Tayar Ho Jjao

Woh Boli, Kayinaatein Is Qadar Simti Hui Hain Kyun

Main Bola, Is Qadar Wasa't Kahan Se Aayi Hai Tum Mein

Woh Boli, Be Saropa Zindagi Se Kya Hua Hasil

Main Bola, Kuch Bhi Ho, Kuch Bhi Na Ho Aakhir Ajal To Hai

Mohabbat Mein Safar Kitna Zaroori Hai, Woh Kehti Hai

Main Kehta Hoon, Mohabbat Mein Kahin Thehra Nahi Jaata

Woh Mujh Se Poochti Hai, Aashiyane Jal GAye Honge

Main Kehta Hoon Ke Shayed Itefaqan Bach Gaye Honge

Woh Mujh Se Poochti Hai, Aaj Phir Goli CHali Ho Gi

Main Kehta Hoon Ke Han, Kuch Mayatein Ayi Hain Basti Mein

Woh Mujh Se Poochti Hai, Aaj Bhi Kuch Bomb Phatte Honge

Mmain Kehta Hoon, Koi Kehraam To Barpa Tha Sarhkon Per

Woh mujh Se Poochti Hai, Phir Adalat Mar Gayi Ho Gi

Main Kehta Hoon Ke Mujrim To Bazaat Khud Hi Munsif Hain

Woh Mujh Se Poochti Hai, Baadshah-e-Waqt Kaisa Hai

Main Kehta Hoon, Bohat Mutemayin Rehta Hai Bechara

Woh Kehti Hai, Hawayein Raat Se Aangan Mein Bethi Hain

Main Kehta Hoon, Ghutan Apna Asar Dikhla Ke Chore Gi

Woh Kehti Hai, Khamoshi Farsh Per Saye Banati HAi

Mein Kehta Hoon, Udaasi Weham Banti Ja Rahi Ho Gi

Woh Kehti Hai Ke Parchayein Bhi Ab Humzaad Lagti Hai

Main Kehta Hoon Ke Tanhai Ne Pagal Ker Diya Ho Ga

Woh Kehti Hai, Meri Chat Per Hayole Raqs Karte Hain

Main Kehta Hoon Ke Yeh To Wasoosoon Ne Bhes Badla Hai

Woh Kehti Hai, Koi Rota Hai Galiyon Ke Andheron Mein

Main Kehta Hoon, Judai Phir Rahi Ho Gi Museebat Mein

Woh Mujh Se Poochti Hai, Kya Hai Kuch Hairaan Lagte Ho

Main Kehta Hoon Ke Khud Ko Khwab Mein Hai Mutmayin Dekha

Woh Mujh Se Poochti Hai, Kya Hai Itne Mutmayin Kyun Ho

Main Kehta Hoon Ke Khud Ko Khwab Mein Hairaan Dekha Hai

Woh Mujh Se Poochti Hai, Muztarab Se Lag Rahe Ho Kuch

Main Kehta Hoon Ke Dil Mein Ishq Ka Mehmaan Dekha Hai

Woh Mujh Se Poochti Hai, Kya Pareshani Hai Farhat Jee

Main Kehta Hoon Ke Saare Shehar Ko Veraan Dekha Hai

Woh Mujh Se Poochti Hai, Badshagooni Ka Sabab Kya Hai

Main Us Se Poochta Hoon, Zindagani Ka Adab Kya Hai

Woh Boli, Aa Tujhe Main Raakh Ki Taseer Batlaon

Main Bola, Raakh Ko Kya Raakh Ke Baare Batao Gi

Woh Boli, Aa Tujhe Main Dasht Ke Ma'ni Batati Hoon

Main Bola, Aa Tujhe Apne Dil Mein Le Ke Chalta Hoon

Woh Boli, Aa Tujhe Main Zindagi Ki Fikar Samjhaon

Main Bola, Maut Ke Maare Hue Ko Khoob Samjhao

Woh Boli, Aa Tujhe Main Hijar Ka Mara Dikhati Hoon

Main Bola, Han Mujhe Tum Le CHalo Mere Hi Kamre Mein

Woh Kehti Hai, Ghubaar-e-Waqt Mein Dhundla Gaya Jeevan

Main Kehta Hoon, Palat Ker Dekhna Takleef Deta Hai

Woh Kehti Hai Ke Tum Mujh Ko Pukara Hi Nahi Karte

Main Bola, Kya Karoon Koi Gawara Hi Nahi Karta

Woh Mujh Se Poochti Hai, Kya Mujhe Tum Yaad Karte Ho

Main Kehta Hoon Ke Jaane-Mann Tumhein Main Bhoolta Kab Hoon

Woh Kehti Hai Ke Ab To Rayigaan Lagta Hai Sara Kuch

Main Kehta Hoon, Mujhe To Rayigaani Ka Bho Dhoka Hai

Woh Kehti Hai, TAmanayein Salamat Hi Nahi Ab To

Main Kehta Hoon Ke Jeevan Mein Yeh Thehrao Bhi Aata Hai

Woh Mujh Se Poochti Hai, Shorq, Chashm Tamasha Kya Hai

Main Kehta Hoon Ke Yeh To Shorq Alam Ka Hissa Hai

Woh Mujh Se Poochti Hai, Baiat-e-Sultaan- e-Gham Kyunkar

Main Kehta Hoon Ke Yeh Aadab Hain Rasm-e-Mohabbat Ke

Woh Mujh Se Poochti Hai, Jabar Per Sabar Masalsal Kyun

Main Kehta Hoon Ke Jab Tak JAng Ki Soorat Nahi Milti

Woh Mujh Se Poochti Hai, Alam-e-Bala Kahan Per Hai

Main Kehta Hoon, Hamari Fikar Ki Balayi Manzil Per

Woh Mujh Se Poochti Hhai, Sab Qayam-o-Nazam Kaise Hain

Main Kehta Hoon, Koi To Hai Jise Sab Theek Rakhna Hai

Woh Kehti Hai, Main Rizq Khaak Be-Ma'ni Hoon Duniya Mein

Main Kehta Hoon KE yEH Sara Nizaam-e-Aadmiyat Hai

Woh Kehti Hai, Main Ajz-e-Fitrat- e-Konain Hoon Janan

Main Kehta Hoon, Mujhe Maloom Hai Aye Azmat-e-Khaaki

Woh Kehti Hai, Main Khwab-e-Noor- e-Batin Hoon Sahifon Mein

Main Kehta Hoon, Kise Inkaar Hai Aye Khwaish-e-Yazdan

Woh Kehti Hai, Main Husn-e-Narmi Ehsaas Hoon Farhat

Main Kehta Hoon Ke Main To Khud Gawah-e-Lams- e-Shabnam Hoon

Woh Kehti Hai Ke Main Khushboo-e-Itr- e-Surkhi- e-Subah Hoon

Hawas Khamsa Alim Mujhe Mehsoos Karte Hain

Wwoh Boli, Main Aseer-e-Hijrat Hoon Zamanon Se

Main Bola, Be-Thikana Pan To Sadiyon Ka Asasa Hai

Woh Boli, Main Gul-e-Shaakh- e-Gham-e- Tanhai Hoon Farhat

Main Bola, Main Mazar-e-Hijar Hoon Wehshat Ke Narghe Mein

Woh Boli, Main Mata-e-Ghair Hoon Tere Liye Farhat

Main Bola, Han Yeh Sadiyon Se Mohabbat Ka Vateera Hai

Woh Boli, Main Dar-e-Iwaan- e-Hairan Hoon Zamane Mein

Main Bola Main Musafir Hoon, Main Bola Main Musafir Hoon

Woh Boli, Main Talooh-e-Aaftaab Husan Ka Manzar

Main Bola, Han Agar Main Chashm-e-Benaye Tamanna Hoon

Woh Kehti Hai, Andhere Raaston Se Khauf Aata Hai

Main Kehta Hoon, Abhi To Qabar Bhi Aani Hai Raste Mein

Woh Kehti Hai, Zamane Ka Rawaiya Dil Mein Chubhta Hai

Main Kehta Hoon Ke Achi Baat Hai Tum Mukhtalif To Ho

Woh Kehti Hai Ke Jaane Kyun Khamoshi Bhi Khatakti Hai

Main Kehta Hoon Ke Mumkin Hai Tumhein Kehna Ho Kuch Us Ne

Woh Kehti Hai, Samandar Sa Koi Rehta Hai Aankhon Mein

Main Kehta Hoon, Kabhi Mere Bhi Dil Mein Jhaank Ker Dekho

Woh Kehti Hai, Mujhe Sahil Se Nafrat Hai Museebat Mein

Main Kehta Hoon Ke Yeh To Buzdali Hai Rayigaani Ki

Woh Boli, Baarishon Se Mustaqil Jhagre SE Kya Hasil

Maon Bola, Baarishon Se Hat Ta'luq Teri Khatir Hai

Woh Boli, Main Majboor Hoon Jeevan Ke Changal Mein

Main Us Ke Jhoot Per Bola, KHUDA Ka Reham Ho Tum Per

Woh Boli, Ishq Hai To Ishq Mein Milna Milana Kya

Main Bola, Ishq Ka Apna Nizaam-e-Wasl Hota Hai

Woh Boli, Dooriyan To Kuch Mohabbat Kam Nahi Karteen

Maon Bola, Han Magar Milne Ki Khwaish Ko Barhaati Hain

Woh Boli, Saath Bandh Jaane Se Behtar Hai Bichar Jayein

Main Us Ki Baat Per Dukh Se Hansa Aur Kuch Nahi Bola

Woh Kehti Hai, Safar Mein Kyun Sitaare Saath CHalte Hain

Main Bola, Jis Tarah Darya Kinaare Saath Chalte Hain

Woh Mujh Se Poochti Hai, Chand Ki Basti Kahan Per Hai

Main Us Ki Baat Per Us Ehad Mein Hairaan Hota Hoon

Woh Mujh Se Poochti Hai, Kaun Sooraj Mein Sulagta Hai

Woh Mujh Se Poochti Hai, Aur Dil Ko Thaam Leti Hai

Woh Mujh Se Poochti Hai, Rooh Ki Larzish Ke Baare Mein

Main Kehta Hoon Ke Yeh To Be-Qarari Raqa Karti Hai

Woh Mujh Se Poochti Hai, Almiya Kya Cheez Hoti Hai

Main Kehta Hoon, Mohabbat Aur Nafrat Zindagi Aur Maut Hai Shayed

Woh Boli, Sawanon Mein Ab Woh Pehle Rang Kam Kam Hain

Main Bola, Ab Piya Bhi To Sukhi Ke Sang Kam Kam Hain

Woh Boli, Nain Kuch Kehte Hue Aksar Jhijhakte Hain

Main Bola, Dil Mein Bethe Chor Ko Rasta Nahi Milta

Woh Kehti Hai Ke Jhanjhar Ab Tumhein Mayil Nahi Karti

Main Kehta Hoon, Tumhein Ab Zindagi Qayil Nahi Karti

Woh Kehti Hai Ke Peele Phool Bhi Khushboo Nahi Dete

Main Kehta Hoon, Judai Theek Se Chubhti Nahi Dil Mein

Wo Kehti Hai, Mohabbat Hadson Ke Kheench Laati Hai

Main Kehta Hoon, Mohabbat Mo'jzon Ko Shakal Deti Hai

Woh Kehti Hai, Hawayein Pairh Se Manoos Hoti Hain

Main Kehta Hoon Ke Un Ke Darmiyan Rishta Purana Hai

Woh Kehti Hai, Sadayein Parbaton Se Laut Aati Hain

Main Kehta Hoon Un Ke Un Se Tukrana Nahi Aata

Woh Kehti Hai, Fizayein Husn Se Aabad Rehti Hain

Main Kehta Hoon, Agar Is Husn Ki Taqdees Baaqi Ho

Woh Kehti Hai, Wafayein Shehar Se Bezaar Kyunkar Hain

Main Kehta Hoon Ke Itne Chup Dar-o-Deewar Kyunkar Hain

Woh Kehti Hai, Ghatayein Dasht Ke Is Paar Kyunkar Hain

Main Kehta Hoon Ke Yeh To Pyaas Ki Apni Karamat Hai

Woh Boli, Aasmanon Ki Taraf Nazrein Nahi Uthteen

Main Kehta Hoon Ke Shayed Bojh Parta Hai Nigahon Per

Woh Kehti Hai, Zameend Pairon Ke Neeche Sard Kyunkar Hai

Main Kehta Hoon, Zameend Hum SE Bohat Naraz Rehti Hai

Kaha Us Ne, Meri Itraaf Mujh Ko Qaid Rakhti Hain

Kaha Main Ne Ke In Itraaf Se Bahir Nahi Kuch Bhi

Kaha Us Ne, Darakht Apni Jarhon Se Pyar Karte Hain

Kaha Main Ne, Jarhein Ik Roz In Ko Mar Deti Hain

Kaha Us Ne, KHUDA Ache Bure Ki Baat Sunta Hai

Kaha Main Ne, Use Aawaz Ki Pehchaan Aati Hai

Woh Boli, Main Chehakte Badalon Ki Gungunahat Hoon

Main Bola, Tum Mehakte Motiya Ki Muskurahat Ho

Woh Boli, Main Suhaane Mausamon Ke Geet Jaisi Hoon

Main Bola, Tum Haseen Dehatiyon Ki Pareet Jaisi Ho

Woh Boli, Main Chamakti Chandni Ke Rang Jaisi Hoon

Main Bola, Tum Mohabbat Ke Purane Jhang JAisi Ho

Woh Boli, Main Lehakti Wadiyon Ki Khushbuon Jaisi

Main Bola, Qaaf Ki Shehzadiyon Ki Khushbuon Jaisi

Woh Boli, Main Samandar Paar Ki Janat Se Aayi Hoon

Main Bola, Main Tumhaare Khaas Istaqbaal Ko Aaya

Woh Kehti Hai Ke Mujh Se Titliyan Bhi Pyar Karti Hain

Main Kehta Hoon, Unhein Tum Baagh Ke Phoolon Si Lagti Ho

Woh Kehti Hai, Mujhe Jugnoo Bhi Choone Ke Liye Aayein

Main Kehta Hoon, Tumhein Woh Chand Ki Mehmaan Samajhte Hain

Woh Kehti Hai, Meri Aawaz Ko Gunbad Taraste Hain

Main Kehta Hoon, Tumhari Bazgusht Mehrbaan Chahein

Woh Kehti Hain, Main Hans Doon To Fizayein Raqs Kar Uthein

Main Kehta Hoon, Tu Ro De To Ghatayein Raqs Kar Uthein

Woh Kehti Hai, Parinde Pyar Se Mujh Ko Bulate Hain

Main Kehta Hoon, Shajar Aksar Tere Qisse Sunate Hain

Woh Boli, Dard Aksar Raat Ko Soya NahI Karta

Main Bola, Is Tarah To Koi Bhi Rota Nahi Karta

Woh Boli, Hum To Ik Shaam-e-Ghareeban Ghar Mein Rakhte Hain

Main Bola, Karbala Waalon Se Kuch Nisbat Theharti Hai

Woh Boli, Dil Ki Veraani Ke Saye Cheekh Uthte Hain

Main Bola, Raat Ke Pichle Pehar Ik Jashan Hota Hai

Woh Boli, Dard Se Aksar Koi Aawaz Aati Hai

Main Us Se Poochta Hoon, Kaun Bichra Hai Jawani Mein

Woh Boli, Eik Deewar-e-Ana Hayil Rahi Ab Tak

Main Bola, Ab Talak Nuqsaad Bhi To Ho Chuka Kaafi

Woh Boli, Raat Ke Maathe Pe Teeka Hai Suhagan Sa

Main Bola, Han Yeh Peshani Anokhi Hai Zamane Mein

Woh B oli, Har Taraf Jangal Mein Ik Pazeb Bajti Hai

Main Bola, Har Taraf Chanchal Hawa Phirti Hai Bhagi Si

Woh Boli, Sardiyon Mein Dhoop Ki Hiddat Kabhi Dekhi

Main Bola, Tum Ne Mere Lams Ki Shiddat Kabhi Dekhi

Woh Boli, Baarishon Mein Shehar Dhal Jjata Hai Lamhon Mein

Main Bola, Han Magar Aankhein Bohat Thak Jaya Karti Hain

Woh Boli, Garmiyon Mein Pairh Ki Chaon Bulaati Hai

Main Bola, Garmiyon Mein Pairh Bhi Kaisi Panahein Hain

Woh Boli, Zaat Ko Taqseem Hi Karte Raho Ge Kya

Main Bola, Waqt Ke Apne Taqaze, Dil Ke Apne Hain

Woh Boli, Phir Palat Aaye, Chale To Phr Palat Aaye

Main Bola, Band Kooche Ka Safar Hai Zindagi Apni

Woh Boli, Har Sarak Jaati Hai Gham Ke Shehar KI Janib

Main Bola, Aur Agar Woh Shehar Apne DIl Mein Ho To Phir

Woh Boli, Gham Hamesha Saath Deta hai Museebat Mein

Main Bola, Ik Zara Thehr, Mujhe Ghor Se Dekho

Woh Boli, Kya Zaroori Tha Mujhe Tum Saath Hi Rakhte

Main Bola, Rooh Bin Main Jism Kya Karta, Kahan Jata

Woh Boli, Aa Gaya Hai Rateela Mausam Judai Ka

Main Bola, Main Tera Sehra Noord Mustaqil Thehra

Woh Boli, Rait Urti Hai To Aankhon Mein Bhi Parti Hai

Main Bola, Dard Ki Mari Hui Aankhon Ko Us Se Kya

Woh Boli, Soch Lo Is Dhoop Mein Kaante Baraste Hain

Main Bola, Yeh To Acha Hai Badh Per Phool Mehkein Ge

Woh Boli, Raat Zakhmon Per Bohat Teesein Bhi Barsein Gi

Main Bola, Zakhm Per Zakhmon Ki Seh Jaane Ki Adat Hai

Woh Boli, Aarzuon Ke Lahoo Ka Zayiqa Kya Hai

Main Bola, Talkh Hai Meeta Hai, Karwa Hai Raseela Hai

Woh Kehti Hai Ke Main To Maang Mein Sooraj Sajaongi

Main Kehta Hoon Ke Sooraj Ki Wazahat Ho Magar Pehle

Woh Kehti Hai, Main Apne Dil Mein Ik Deewar Uthaon Gi

Main Kehta Hoon Ke Main Is Baat Ka Matlab Nahi Samjha

Woh Kehti Hai, Main Aankhon Mein Koi Sehra Basaon Gi

Main Kehta Hoon Ke Benayi Jhils Jaye Gi Aise To

Woh Kehti Hai, Main Pairhon Per Tumhara Bakht Likhoon Gi

Main Kehta Hoon Ke Pairhon Se Adawat Hai Tumhein Koi

Woh Kehti Hai, Main Paani Per Tera Chehra Banaon Gi

Main Kehta HooN, Mujhe Lagta Hai Tera Dil Bhi Paani Tha

Woh Mujh Se Poochti Hai, Tum Kise Mujrim Samajhte Ho

Main Kehta Hoon, Use Jo Dard Ke Ma'ni Na Samjha Ho

Woh Mujh Se Poochti Hai, Jhoot Aur Sachaiyan Kya Hain

Main Kehta Hoon Ke Niyyat Aur Natayij Ki Pazerayi

Woh Mujh Se Poochti Hai, Sab Se Pehle Kaun Rehta Tha

Main Kehta Hoon Ke Andaza Ya Mafrooza Hi Mumkin Hai

Who Mujh Se Poochti Hai, Kaun Reh Jaye Ga Duniya Mein

Main Kehta Hoon Ke Bilkul Ik Nayi Aur Ajnabi Duniya

Woh Mujh Se Poochti Hai, Maut Ke Baare Mein Batao Ge

Main Kehta Hoon, Khat-e-Tanseekh Hai Aaghaz Se Pehle

Woh Mujh Se Poochti Hai, Jangalon Mein Kaun Rehta Hai

Main Kehta Hoon, Wohi Jo Shehar Mein Rehne Se Khayif Hain

Woh Mujh Se Poochti Hai, Aasmanon Se Pare Kya Hai

Main Kehta Hoon, Na Veraane Na Aabadi Na Barbadi

Woh Mujh Se Poochti Hai, Waqt Ko Tum Kya Samajhte Ho

Main Kehta Hoon Ke Har Ehsaas Ke A'dad Ki Ginti

Woh Mujh Se Poochti Hai, Kya KHUDA Ko Mante HO Tum

Mian Kehta Hoon, Yaqeenan Aur Use Mehsoos Karta Hoon

Woh Mujh Se Poochti Hai, Yeh Mazahib Ke Masail Kya Hain

Main Kehta Hoon Ke Duniya Ke Bare Logon Ki Baatein Hain

Woh Mujh Se Poochti Hai, Khwab Ki Ta'beer Ke Baare

Main Us Se Poochta Hoon, Aqal Ki Jageer Ke Baare

Woh Mujh Se Poochti Hai, Zindagi Ke Raaz Ke Baare

Main Us Se PoochTA Hoon, Dharkanon Ke Saaz Ke Baare

Woh Mujh Se Poochti Hai, Raat Aur Din Ki Musafat Kya

Main Kehta Hoon, Yeh Saaye Hain Kisi Qaidi Musafir Ke

Woh Mujh Se Poochti Hai, Hum Agar Kuch Bhi Nahi Hain To

Main Kehta Hoon, Nahi Hona Bhi Hota Hai JAhanon Mein

Woh Mujh Se Poochti Hai, Aqal Kya Hai Aur Dil Kya Hai

Main Kehta Hoon Ke Ik Ikhtelaaf Amal Paheem Hai

Woh Kehti Hai Ke Deewanon Ka Koi Kya Bharosa Hai

Main Kehta Hoon, Bharose Ke Liye Duniya Hi kYA Kam Hai

Woh Kehti Hai, Kisi Ko Mat Bata Dena Mere Baare

Mmain Kehta Hoon, Magar Ik Geet Ko Aur Chandni Shab Ko

Woh Kehti Hai, Suno Farhat, Mujhe Tum Se Mohabbat Hai

Main Kehta Hoon, Meri Jaan Tum To Khud Meri Rayazat Ho

Woh Kehti Hai, Yeh Saare Log Ktyun Baatein Banate Hain

Main Kehta Hoon, Meri Jaan Yeh Mohabbat Ka Muqadar Hai

Main Kehta hoon, Mohabbat Kayinaati Geet Hoti Hai

Woh Thora Gunguna Ke Aansuon Mein Doob Jati hAI

Woh Mujh Se Poochti Hai, Har Taraf Ik Be Kali Kyun Hai

Main Kehta Hoon, Koi Anjaam Aa Pohancha Hai Basti Mein

Woh Mujh Se Poochti Hai, Be Sarosamaan Kab Se Ho

Main Us Se Poochta Hoon, Is Qadar Nadaan Kab Se Ho

Woh Mujh Se Poochti Hai, Kaun Lawaris Hai Muqatil Mein

Main Kehta Hoon, Wohi Jo Qatal Karne Ke Liye Aaye

Woh Mujh Se Poochti Hai, Shehar Ki Halat Ka Kya Ho Ga

Main Kehta Hoon, Koi Din Mein Balayein Loot Jayeingi

Woh Mujh Se Poochti Hai, Karbala Kya Phir Bapa Ho Gi

Mmain Kehta Hoon, Nahi, Ab Is Qadar Tanha Nahi Koi

Woh Boli, Darrd Ke Us Paar Bhi Eik Dard Hota Ha..