Mere Wajood Ki Mujh Mein Talash Chor Gaya
Jo Pori Na Ho Kabhi Aisi Aas Chor Gaya
Yehi Karam Nawazi Us Ki Mujh Pe Kam Hai Kia
Ke Khud Tu Door Hai Yaaden Tu Paas Chor Gaya
Jo Khawishen Thi Kabhi Hasraton Mein Dhal Gai Ab
Mere Labon Pe Wo Ek Lafz Kash Chor Gaya
Ye Mera Zarf Hai Ik Roz Us Ne Mujh Se Kaha
Ke Aam Logon Mein Ek Tujh Ko Khas Chor Gaya
Sard Mosam Se Mujhe Isi Liye Tu Nafrat Hai
Inhi Raton Mein Mujhe Wo Udas Chor Gaya
No comments:
Post a Comment