mat pūchh valvale dil-e-nā-kardā-kār ke
Sar-e-Mehfil nigahein mujhpe jin logon ki parti hain
Nigahon ke maaini se wo chahray yad rakhta hun
Zara hat ke Chalta hun Zamanay ki rawayat se
Keh Jin pe Bojh main daalon wo kandhay yad rakhta hun
Mai yun to bhool jata hun Kharashein talkh baton ki
Magar jo Zakham gehre dein wo rawaye yad rakhta hun
Nikhaton kay saye main tootay paray hain chand phool
Bijliyon ki yo'rashon se Aashiyana be'khabar
Husan-e-barham ko nahin haal-e-parishaan se gharz
Saaz-e-dil ki dharkano se zamana be'khabar
Hum qaraar-e-dil nahin hain , hum nahin aankhon ka noor
Hum sa awara kiyon hota hai , thikana be'khabar
Dono aalam wusat-e-aagosh ki tafseer hain
Dekhnay main hai nigah-e-mehar'mana be'khabar
Aap apnay fun se na'waqif hai Saghar ki nazar
Lal-o-gohar ki ziaon se khazana be'khabar
Suna hai tum yeh kehti ho , mohabbat kuch nahin hoti
Koi jazba , koi wada , kabhi bhi sach nahin hota
Yeh jo kehtay hain hum ko ishq hai , woh jhoot kehtay hain
Kisi bhi heer ya raanjha , kisi mirza kisi sahiba
Kisi sassi , kisi punoon , kisi laila , kisi majnoon
Ne dil choo kar nahin dekha , mohabbat kuch nahin hoti
Mujhay hai yaad woh din bhi , hamesha tum yeh kehti thi
Mohabbat youn nahin hoti , mohabbat youn nahin hoti
Main tum ko phool deta tha , tum aankhon main takti thein
Bhout gehri si koi soch main tum yeh kehti thein
Mohabbat youn nahin hoti , mohabbat youn nahin hoti
Main jab bhi aankh bhar laata , ya koi geet main gaata
Tumhain jab pyaar se takta , koi jab aah main bharta
Zer-e-lab liye muskaan , mujh ko tum yeh hi kehti thein
Mohabbat youn nahin hoti , mohabbat youn nahin hoti
Bhout din ho gaye ab to ,bichar kar dono zinda hain
Main ab bhi aahain bharta hoon , hamesha yaad karta hoon
Yeh hi main gun'gunaat ahoon , mihabbat youn nahin hoti
Suna hai tum yeh kehti ho ,
mohabbat kuch nahin hoti
