Apni Meyaad-e-Gham Mein Main Jang-e-Saleeb Tha
Jo Baa-Muraad Hunar Tha Tera Naseeb Tha
Shehnaiyon Mein Goonjti Thi Qatal Ki Rasm
Qaatil Bhi Ek Shah Tha Raag Se Qareeb Tha
Uzar Ka Izraeel Pe Har'Chand Asar Nahi
Malmal ka Nok-e-Khaar Pe Manzar Ajeeb Tha
Charaah-Gari Bhi AsaL Mein Do Chaar Baras Hai
LUQMAN Bhi To Mar Gaya Jo Ik Tabeeb Tha
Sau Chaand Raaten Le Gaya Kal Shab Ka Raat'Jaga
Mehfil Thi, Zafraan Tha, Mera Habeeb Tha
KhaamOsh Rida Orhh Li Nadim Zameer Ne
Bus Naara-e-Takbeer Tha Jab Dil Khateeb Tha
Mera Hisaab Le Liya To Khud Bhi Ro Parra
Wo Hasb-e-Haal Ho Gaya Jo Khud Haseeb Tha
Dhairon Duaaen De K Bhi Takka Na Mil Saka
Faqeer Roz-e-Eid Bhi Kitna Ghareeb Tha
Firdaus Mein Bhi Shola-e-Hasad Nahi Bujha
Sardar Wahaan Saathiyon Ka Khud Raqeeb Tha
saqi Bata! Dilon Ko Kese Loot Le Gaya?
Jo Chor Tha, Na Thagg Tha, Na Naqeeb Tha
No comments:
Post a Comment