Badalti rutt ka ishara dekhtey hain
Ab kaisey ho ga guzaara dekhtey hain
Mohabbat ki yeh rasam bhi kitni ajeeb hai
Jaaney waaley palat kar dobara dekhtey hain
Doobney waaley doobney se zara pehley
Ek umeed par kinara dekhtey hain
Teri judaai se gila honey lagta hai
Jab duniya mein koi be-sahara dekhtey hain
Kya mohabbat humein bhi raas aaye gi
Aao apna apna sitaara dekhtey hain.
No comments:
Post a Comment