Zindagi Ke Mele Main, Khwahisho Ke Rele Main, Amjad Islam Amjad, Azad Nazm, Amjad Islam Amjad Poetry, urdu poetry, Images Poetry, Poetry with Images, Urdu Heart Touching Poetry,

Zindegi Ke Mele Main

Khwahisho Ke Rele Main

Tum Se Kya Kahe Jaana

Is Qadar Jhamele Main

Waqt Ki Ravaani Hai

Bakht Ki Giraani Hai

Sakht Bezamini Hai

Sakht Laamakaani Hai

Hijr Ke Samandar Main

Takht Aur Takhte Ki

Ek Hi Kahani Hai

Tum Ko Jo Sunaani Hai

Baat Go Zara Si Hai

Baat Umr Bhar Ki Hai

Umr Bhar Ki Baate Kab

Do Ghadi Main Hoti Hain

Dard Ke Samandar Main

Anginat Jazeere Hain

Beshumaar Moti Hain

Aankh Ke Dariche Main

Tum Ne Jo Sajaaya Tha

Baat Us Diye Ki Hai

Baat Us Gile Ki Hai

Jo Lahu Ki Khilvat Main

Chor Ban Ke Aata Hai

Lafz Ke Fasilon Par

Tut Tut Jaata Hai

Zindegi Se Lambi Hai

Baat Rat Jage Ki Hai

Raaste Main Kaise Ho

Baat Takhliye Ki Hai

Takhliye Ki Baaton Main

Guftgu Izaafi Hai

Pyaar Karne Vaalon Ko

Ik Nigaah Kaafi Hai

Ho Sake To Sun Jaao

Ek Din Akele Main

Tum Se Kya Kahe Jaanaan

Is Qadar Jhamele Main...