Is Daur-E-Bejunoon Ki Kahani Koi Likho
Jismon Ko Barf Khoon Ko Paani Koi Likho
Koi Kaho Ki Haath Qalam Kis Tarah Hue
Kyon Ruk Gai Qalam Ki Rawaani Koi Likho
Kyon Ahal-E-Shauq Sar-Va-Garebaan Hain Dosto
Kyon Khoon-Ba-Dil Hai Ahad-E-Jawani Koi Likho
Kyon Surma-Dar-Gulu Hai Har Ek Tayar-E-Sukhan
Kyon Gulsitaan Qafas Ka Hai Saani Koi Likho
Haan Taza Saanehon Ka Kare Kaun Intezaar
Haan Dil Ki Vardaat Purani Koi Likho
No comments:
Post a Comment