Kahani Dard Ki, Main Zindagi Se Kya Kehta?
Ye Dard Jis Ne Dia Hai Usi Se Kya Kehta?
Gila To Mujh Ko Bhi Karna Tha Piyaas Ka Lekin
Main Khud Hi Sookh Gaya Us Nadi Se Kya Kehta?
Mere Azeez Hi Mujh Ko Samajh Na Paye Kabhi
Main Apna Haal Kisi Ajnabi Se Kya Kehta?
Andheri Raat Ne Mujh Ko Bohot Sataya Hai
Bhala Ye Baat Main Ab Roshni Se Kya Kehta?
Tamaam Shehar Main Tha Raaj Jhooto ka
Main Apne Gham Ki Haqeeqat Kisi Se Kya Kehta?
No comments:
Post a Comment