Agar kabhi meri yaad aaye, Amjad Islam Amjad, Heart Touching Poetry, Images Poetry, Sad Poetry, Poetry with Images, Urdu Heart Touching Poetry,

Agar kabhi meri yaad aaye...

Tu chand raton ki narm dilgeer roshnii main..

Kisi sitaray ko dekh lena, 

Agar woh nakhl-e-falak se urrh kar,

Tumharay qadmon main aa giray to,,

Yeh Jaan lena, woh ista'aara tha mere dil ka,

Agar na aaye...

Magr, Yeh Mumkin hi kis tarah hai

K tum kisi per Nigaah dalo...

Tu uski diwar-e-Jaan na tootay...

Woh apni hasti na bhool jai...

Guraiz karti hawa ki lehron pe haath rakhna

Main us qatron ke aainon main tumhe milonga,,

Mujhe gulabon ki pattiyon main talaash karna

Agar sitaaron main, us qatron main,,

Khushbo'oon main na pao mujhko,

Tu apne qadmon main dekh lena

Main gurd hoti musafaton main tumhain milonga...

Kahin pe Roshan chiraagh dekho tu Jaan lena,

K har patingay k saath main bikhar chuka hoon..

Tum apne haaton se in patingon ki,

Khaaq darya main daal dena...

Main khaaq bankr samandaon main safar karonga,

Kisi an dekhay jazeeray pe,

Ruk k tum ko sadain doonga

Samandaron ke safar pe niklo to us jazeeray pe bhi utarna....!!!