Hum se mat pocho raastay ghar k, Hum musafir hain zindagi bhar k, Heart Touching Poetry, Sad Poetry, Images Poetry,

Hum se mat pocho raastay ghar k

Hum musafir hain zindagi bhar k

Kon soraj ki aankh se din bhar

Zakham ginta ha shab ki chadar k

Sulaah kr li yeh soch kar main ne

Mere dushman na thay barabar k

Khud se khaimay jala diye main ne

Hoslay daikhna thay lashkar k

Gar janoon maslehat na apnaye

Sir se rishtay bohat hain patthar k

Hum bhi chuntay thay seepiaan aksar

Hum bhi maqrooz hain sumandar k

Aankh k gird maatmi halqay

Saaye jaisay jaly hoey ghar k

Doston ki zuban tu khulnay do

Bhol jao gay zakhm khanjar k

Aankh nam bhi kro tu bas itni

Rang pheekay paren na manzar k