Ishq se jaam bhar rahi hogi
wo nazar seher kar rahi hogi,
Dil mai pighlegi baraf aakhir kar
dhoop tan per utar rahi hogi,
ek zara ajnabi see wo khushbu
raston per bikhar rahi hogi,
Zindagi tan pe phool pehnay hoe
is gali se guzar rahi hogi,
samnay tera Aaina rakhay
khd fareebi sanwar rahi hogi
Khalq is jhoot ke talatam mai
doob kar ubhar rahi hogi...
No comments:
Post a Comment