دل کو نفرت کا جہاں زہر پلایا جاۓ
کیسے الفت کا وہاں پھول کِھلایا جاۓ
Dil ko nafrat ka jahan zeher pilaya jai
Kese ulfat ka waha phool khelaya jai
میری ہر ایک وفا جس کو نظر آۓ جفا
اُسکو احساسِ وفا کیسے دلایا جاۓ
Meri har aik wafa jisko nazar ai jafa
usko ehsas-e-wafa kese dilaya jai
دل کے قرطاس پہ اُسکے میں اُبھرتا ہی نہیں
جس کو محبوب میرے دل کا بتایا جاۓ
Dil ki qirtaas pe uske mai ubharta he nahi
Jisko mehboob mere dil ka bataya jai
اِک انا ہے جو صحن ایک نہیں ہے اپنا
ایسی دیواروں کو کس طرح گرایا جاۓ
ek ana hai jo sehen aik nahi hai apna
Aisee deewaron ko kis tarah giraya jai
وقت کی گرد نے ذہنوں س مٹاۓ ہیں نقوش
کس پہ الزام بُھلانے کا لگایا جاۓ
Waqt ki gird ne zehnon se metai hain naqoosh
Kis pe elzam bhulane ka lagaya jai
رات ہے کرب ہے احساس ہے تنہائی ہے
ایسی وحشت میں کہاں خود کو سلایا جاۓ
Raat hai karb hai ehsaas hai tanhai hai
aisi wehshat mai kahan khud ko silaya jai
بے سکوں ذات کو میں لے کے سکوں پاؤں کہاں
جاکے پردیس میں کیا خود کو بسایا جاۓ
Be sakon zaat ko main le kay sakoon paon kahan
Jaa ke perdaise mai kya khud ko basaya jai
اپنے اغراض سے جب سب کو غرض ہو عامر
کیسے رشتوں کے تقدس کو نبھایا جاۓ
Apne aghraaz se jab sab ko gharz ho Aamir
Kese rishton ke taqaduss ko nibhaya jai
شاعر
احتساب خان عامر
No comments:
Post a Comment