Abhi to hijar ke tawaan mai humne rehen rakhna hai aankhon ko abhi furqat ki aatish mai sulagti reit ki, urdu poetry, sad urdu poetry,

Abhi to hijar ketawaan mai humnerehen rakhna hai aankhon koabhi furqat ki aatish maisulagti reit kiek lambi musafat haiabhi is khaar waadi mailahu hona hai khwabon koabhi tum haat mat choro

Kisi ki achai ka itna Faida mat uthao keh, usey khud apni Achai se nafrat hojaye

Kisi ki achai ka itna

Faida mat uthao keh,

usey khud apni

Achai se nafrat hojaye

Kaash tum per bhi kabhi ye waqt aai to phir tumhe yeh maloom ho keh, urdu poetry, best poetry,

Kaash tum per bhi kabhi ye waqt aai to phir tumhe yeh

maloom ho keh

"Ya Rab uski mohabbat mere dil se nikal de"

jab koi ye dua mangta hai tu uske dil per kya beet

rahi hoti hai

Jazbaat ka taaluq hamari rooh se haiaur zaroorton ka jism se, best urdu lines,

Jazbaat ka taaluq hamari rooh se haiaur zaroorton ka jism se, aur jabzaroortein poori hojain to jazbaatse khali rishte mar jate hain

Peet karna to hum se nibhaana sajan, hum ne pehlay hi din tha kahaa na sajan, by ibn.e.insha, insha poetry, urdu poetry, urdu shairy, best sajan poetry,

Peet karna to hum se nibhaana sajan,
hum ne pehlay hi din tha kahaa na sajan

Tum hi majboor ho, hum hi mukhtaar hain, 

khair maana sajan, yeh bhi maana sajan

Ab jo hone ke Qissay sabhi ho chuke, 

hum tumhein kho chuke, tum humein kho chuke

Aagay dil ki naa baaton mein aanaa sajan, 

K yeh dil hai sadaa ka diwaana sajan

Yeh bhi sach hai na kuchh baat ji ki bani, 

sooni raaton mein dekha kiye chaandni

Per yeh sauda hai hum ko puraanaa sajan, 

aur jeene ka apnay bahaana sajan

Shehr ke log achhe hain hum-dard hain, 

per hamaari suno hum jahaan-gard hain

Daagh-e-dil na kisi ko dikhaana sajan, 

yeh zamaana nahi woh zamaana sajan

Us ko muddat hui sabr kartay hue, 

aaj koo-e-wafaa se guzartay hue

Poochhh kar is gadaa ka thikaana sajan, 

apne ‘Insha’ ko bhi dekh aana sajan

                                             (Ibn-E-Insha from CHAAND NAGAR)

Be.naam sa yeh dard thehar kyu nahi jataa, Jo beet geya hai woh guzar kyu nahi jataa,

Be.naam sa yeh dard thehar kyu nahi jataa
Jo beet geya hai woh guzar kyu nahi jataa

Sab kuch to hai kya dhoondti rahti hain nigaahain

Kya baat hai mai waqt pe ghar kyu nahi jataa

Woh ek hi chehraa to nahi saare jahaan mein

Jo door hai woh dil se utar kyu nahi jataa

Mein apni hi uljhi huii raahon ka tamaashaa

Jaate hain jidhar sab mai udhar kyu nahi jataa

Woh naam jo barson se samaayaa hai zehen mein

Woh khwaab agar hai to bikhar kyu nahi jataa

Tera hijr mera naseeb hai, Tera Gham hi meri hyaat hai, urdu poetry, best urdu shairy, urdu yaad poetry

Tera hijr mera naseeb hai, 
Tera Gham hi  meri hyaat hai

Mujhe teri doori ka Gham ho kyu 

Tu kahi bhi ho mere saath hai

Mere vaaste tere naam par 

Koi harf aaye! nahi, nahi!!

Mujhe khauf e duniya nahi magar

Mere roo-baru teri zaat hai

Tera vasl ae meri dilruba 

Nahi meri qismat to kya hua

Meri mahjabeen yahi kam hai kya

Teri hasraton ka to saath hai

Tera ishq mujh pe hai mehrbaan

Mere dil ko haasil hai do jahan

Meri jaan.e,jaan isi baat par 

Meri jaan jaaye to baat hai

Mohabbat mein wafadaari se bachiye, Jahan tak ho adakaari se bachiye,best urdu poetry,urdu poetry,

Mohabbat mein wafadaari se bachiye
Jahan tak ho adakaari se bachiye...

Har ek surat bhali lagti hai kuchh din

Lahu ki sho’bdaa-kaari se bachiye...

Sharaafat, aadmiyat, dard – mandi 

Bare shahron mein bimaari se bachiye..

Zaroori kya har ek mehfil mein aana

Takalluf ki  rawadaari se bachiye...

Bina pairon ke sar chalte nahi hain

Buzurgon ki samajhdaari se bachiye...

Aaj zara fursat payi thi, aaj use phir yaad kiya Band gali k aakhri ghar ko khol k phir aabaad kiya, urdu ghazal, urdu poetry, best urdu poetry,

Aaj zara fursat payi thi, aaj use phir yaad kiya

Band gali k aakhri ghar ko khol k phir aabaad kiya

Khol k khirki chand hansa, phir chand ne donon hathon se

Rang uraye phool khilaye chiryon ko aazad kiya

Bare bare gham khare hue the rasta roke rahon mein

Choti choti khushiyon se hi hum ne dil ko shad kiya

Baat bahut maamooli si thi, ulajh gayi takraaron mein

Ek zara si zid ne aakhir donon ko barbaad kiya

Daanaon ki baat na maani... kaam aayi nadani hi

Suna hawa ko parhaa nadi ko mausam ko ustaad kiya

                                                                         (Nida Fazli)

Baat karni mujhe mushkil kabhi aise to na thi Jaisi ab hai teri mehfil kabhi aise to na thi, urdu poetry by bahadur shah zafar, best urdu ghazal, heart touching poetry,

Baat karni mujhe mushkil kabhi aise to na thi Jaisi ab hai teri mehfil kabhi aise to na thi

Le gayaa chheen ke kaun aaj tera sabr.O.qaraar

Be.Qaraari tujhe ai dil kabhi aisii to na thi

Us ki ankhon ne Khudaa jaane kiya kya jaadu

K tabiyat meri maayil  kabhi aise to na thi

Aks.e.rukhsaar ne kis ke hai tujhe chamkayaa

Taab tujh mein mah.e.kaamil kabhi aise to na thi

Ab ki jo raah.e.muhabbat mein uthaayi takleef

Sakht hoti hamen manzil kabhi aise to na thi

Paa.e.kubaan koi zindaan mein naya hai majnu

Aatii aavaaz.e.salaasil kabhi aise to na thi

Nigah.e.yaar ko ab kyun hai tagaful ae dil

Wo tere haal se Ghaafil kabhi aise to na thi

Chashm-e-qaatil meri dushman thi hamesha lekin

Jaise ab ho gayi qaatil kabhi aise to na thi

Kyaa sabab tu jo bigadta hai ‘Zafar’ se har bar

Khoo teri huur-shamaail kabhii aise to na thi

                                              -- Bahadur Shah Zafar