Teri Justuju Main Nikle Urdu shayari prem piyala Urdu Ghazal, emotional shayari, parizaad status poetry, Ahmed nasaz

 

teri justuju men nikle to ajab saraab dekhe 
kabhi shab ko din kaha hai kabhi din men ḳhwab dekhe 

mere dil men is tarah hai teri aarzu ḳheramaan 
koi naazneen ho jaise jo khuli kitab dekhe 

jise meri aarzu ho jo ḳharab-e-ku-ba-ku ho 
mujhe dekhne se pahle tujhe be-naqab dekhe 

jise kuchh nazar na aaya ho jahan rang-o-bu men 
vo khila gulab dekhe vo tira shabab dekhe 

do-jahan ko la Dubo.e vo zara si aabju men 
teri chashm-e-surmagin ko jo koi pur-ab dekhe 

yuun Thahar Thahar ke guzri shab-e-intizar yaaro 
ki sahar ke hote hote kaai ham ne ḳhwab dekhe 

mujhe dekhna ho jis ko mere haal par na jaae 
mira zauq-o-shauq dekhe mera intiḳhaab dekhe