Bohat tanha hua hoon main palatt ke aa bhi jao tum
Ashq kaa dariyaa hua hoon main palat ke aa bhi jao tum,
Jahan pe hath chhorra tha jahan pe sath chhorra tha
Usi raah pe kharra hoon main palatt ke aa bhi jao tum,
Udaasi ne banaya ghar mere dil k bagheeche mein
Bohat hi ghamzada hoon main palatt ke aa bhi jao tum,
Dar-o-deewar kehte hain mere kaano mein aa aa kar
Kab se veeraan parra hoon main palatt ke aa bhi jao tum,
Kisi ka baa-wafa hona Sajid sabab hai gar judaai ka
Suno! phir be-wafa hoon main palat ke aa bhi jao tum.
No comments:
Post a Comment