میں زندہ قوم کے خستہ زبوں حالوں سے ڈرتا ہوں
تباہی پر کھڑی مُردہ نئی نسلوں سے ڈرتا ہوں
نہیں جب فوقیت کوئی کسی گورے کو کالے پر
میں رنگ و نسل کے اُٹھتے ہوۓ فتنوں سے ڈرتا ہوں
نا جانے کون سچا کون جھوٹا کون کافر ہے
مذہب میں نِت نئے بنتے ہوۓ فرقوں سے ڈرتا ہوں
جو حق کے نام پہ تفریق کی ترغیب دیتے ہیں
میں ایسے واعِظوں کے پُرشرّر واعَظوں سے ڈرتا ہوں
بہت بزدل بنا ڈالا ہمیں رسموں رواجوں نے
میں سنّت سے بھری پُرنور سب قدروں سے ڈرتا ہوں
جہاں انسانیت کی خدمتیں بھی اِک تجارت ہوں
فلاح کے نام پہ ایسے غلط دھندوں سے ڈرتا ہوں
امیرِ کارواں بن کے سفینہ جو ڈبو جائیں
شعوروفہم سے عاری میں اُن میروں سے ڈرتا ہوں
لکھوں اب اور کیا عامر خرد سے پاک لوگوں پر
صحیح ہوں یا غلط اپنی اِنہی سوچوں سے ڈرتا ہوں
شاعر
احتساب خان عامر
امریکہ
Mai zinda Qom ke khasta zibon haalon se darta hoon
Tabahi per khari murda nai naslon se darta hoon
Nahi jab foqiat koi kisi goray ko kaalay par
Mai rang-o-nasal ke uthte hoe fitnon se darta hoon
Naa jane kon sacha kon jhoota kon kaafir hai
mazhab mai nit nai bante hoe firqon se darta hoon
Jo Haq ke naam pe tafreeq ki targheeb dete hain
Mai aise waaezon ke pur tasharrar waaezon se darta hoon
Bohat buzdil bana dala hame rasmon riwajon ne
Mai sunnat se bhari purnoor sab Qudraton se darta hoon
Jaha insaaniyat ki khidmaten bhi ek tijarat hon
Falah ke naamon pe aise ghalat dhandon se darta hoon
Ameer-e-Karwaan ban ke safeena jo dibon jaain
Shaoor-o-fehem se Aari mai un Ameeron se darta hoon
Likhon ab or kya Aamir khard se pak logon par
Sahi hoon ya Ghalat apni inhee sochon se darta hoon
By Ehtisaab Aamir Khan From USA
