Raston ki marzi hai.. Be-zameen logon ko.. Be-qarar ankhon ko, Bad-naseeb qadmon ko, Jis taraf bhi le jayen, Raaston ki marzi hai..

Raston ki marzi hai..
Be-zameen logon ko..
Be-qarar ankhon ko..

Bad-naseeb qadmon ko......

Jis taraf bhi le jayen..

Raaston ki marzi hai..

Be-nishaan jazeron pe..

Badgumaan shehron main..

Be-zuban musafir ko..

Jis taraf bhi bhatka den..

Raaston ki marzi hai..

Ajnabi koi la kr..

Hamsafar bana dalain..

Sath chalnay walon ki..

Raakh bhi ura dalain..

Ya musaaftain sari..

Raakh main mila dalain...

Raaston ki marzi hai…!!!!

#Meri yaad aye gi tumhain jab door chali jaongi #Door itna keh kabhi laout kay naa aaongi

Meri yaad aye gi tumhain jab door chali jaongi
Door itna keh kabhi laout kay naa aaongi

Ab tak shayed tumhary dil mein rehti thi

Phir tumhari yaad mein bass jaongi

Yaad ayain  gi meri batein or mulaqatein

Magr tab kabhi main tumse mil nahi paongi

Tarpo ge mere baray mein tum soch ker

Mager tab main nazar nahi aaongi

Tumhein jaan se ziyada chahti hon

Mager shayed ye sabit na ker paongi

Mere pyaar ko sahara dena tab

Jab akhri dam per tumhein bulaongi

Meri yaad aye jo raat ko, bahir aa kay dekhna

Main chamakta hua taara bann jaongi

Bohat door jaa chuki houngi tumse

Par dil ko main yahin chorr jaongi

Aansu mat bahana mujhe yaad ker kay

Warna soch lena….main naraz ho jaongi

#Suno!#Aysa nahi kerte, #Keh jis dil mein bhi rehty ho, Ossey tora nahi kerte

Suno!

Aysa nahi kerte

Keh jis dil mein bhi rehty ho

Ossey tora nahi kerte

Suno!

Aysa nahi kerte

Bin jis ke na jee payain

Ossey chora nahi kerte

Suno!

Kuch dair rukk jao

Koi tadbeer ker lain ge

Jo saare khuwaab dekhain hain

Onhain tabeer ker lain ge

Suno!

Bina tere yeh jeevan hum

Kaho kaise bitayain ge

Qasam se toot jayain ge

Suno!

Jab yaad aao ge

Bohat khud ko rulayain ge

Tumhain kaise bhulayain ge

Suno!

Jab dard ho ga tou

Tarap kar marr he jayain ge

Tumhain na bhool payain ge

Teri justaju ke hisaar se, Tere khawab, tere khayaal se, mai wo shakhs hon jo khara raha, urdu ghazal, nest urdu loving poetry, urdu romantic poetry,

Teri justaju ke hisaar se...

Tere khawab, tere khayaal se,

mai wo shakhs hon jo khara raha...

Teri chahaton se zara paray...

Kabhi dil ki bat kahi naa thi

jo kahi to wo bhi dabi dabii...

Mere lafz poray to thay magar

Teri samaaton se, zara parey

Tu chala gaya mere humsafar...

Zara dekh murr ke, tu ek nazar

meri kashtiyaan hain jali hoi

tere sahilon se zara parey...

Aankh Se Door Na Ho Dil Se Utar Jaye Ga Waqt Ka Kya Hai Guzarta Hai Guzar Jaye Ga

Aankh Se Door Na Ho Dil Se Utar Jaye Ga

Waqt Ka Kya Hai Guzarta Hai Guzar Jaye Ga'

Kitni jaldi yeh mulakat guzar jati hai, pyaas bujhti bhi nahi barsaat guzar jate hai,

Kitni jaldi yeh mulakat guzar jati hai,
pyaas bujhti bhi nahi barsaat guzar jate hai,
apni yadoon se kahoo yun na aaya karain
neend aati bhi nahi raat guzar jati hai…!!!

Ye Karb Ka Tofaan Guzarta Kiun Nahin Dil Toot Gia Hai To Bikhartaa Kiun Nahin

Ye Karb Ka Tofaan Guzarta Kiun Nahin
Dil Toot Gia Hai To Bikhartaa Kiun Nahin

Aik Hi Shaks Ko Chahta Hai Kion Itnaa

Koi Dosra Is Dil Pe Utarta Kion Nahin

Har Bar Iski Berukhi Pe Pyar Aata Hai

Dil Us K Riwajon Pe Akarta Kion Nahin

Kehne Ko To Wo Dard Ek Lamhe Ka Hai Magar

Wo Dard Ka Lamha, Guzarta Kion Nahin...

Phir Aaj Koi Ghazal Tere Naam Na Ho Jaaye, Aaj Kahein Likhtay Likhtay Sham Na Ho Jaaye, best urdu ghazal, best urdu poetry, sad poetry, urdu romantic poetry, urdu shairy

Phir Aaj Koi Ghazal Tere Naam Na Ho Jaaye,
Aaj Kahein Likhtay Likhtay Sham Na Ho Jaaye..!

Kar Raha Hon Intizar Tere Izhar-e-Mohabbat Ka,

Isi Intizar Mein Zindagi Tamaam Na Ho Jaaye ..!.

Nahi Leta Tera Naam Sare-e-Aam Is Dar Say,

Kahein Naam Tera Badnaam Na Ho Jaaye..!

Mangtaa Hon Dua Jub Bhi Tu Yaad Aata Hai,

K Judai Meray Piyar Ka Anjaam Na Ho Jaaye..!

Sochta Hon Darta Hon Aksar Tanhai Mein,

Us K Dil Mein Kisi Aur Ka Maqaam Na Ho Jaaye…

Ho gaye jawan bache borhi ho rahi hai MAA, Be-charagh ankhon me khwab bo rahi hai MAA,

Ho gaye jawan bache borhi ho rahi hai MAA,
Be-charagh ankhon me khwab bo rahi hai MAA,

Roti apne hise ki de k apne bachon ko,

Sabar ki rida orhey bhooki so rahi hai MAA,

Sans ki mariza hai phr b thande pani se,

Kitni sakht sardi me kapre dho rahi hai MAA,

Ghair ki shikayat par phr kisi sharert par,

Mar kar muje khud hi ro rahi hai MAA,

Khailne jo muje rokti thi mitti main,

Orrh kar usi mitti ko aaj so rahi hai MAA…

Teacher: Tum der se kyun aai ho? Pappu: Ammi abbu larr rahe thay sliye, Urdu Lateefay, Mazahia lateefay, hansna mana hai,

Teacher: Tum der se kyun aai ho?

Pappu: Ammi abbu larr rahe thay sliye..

Teacher: Lekin tumhare der se aanay ka unki larai ke sath kya taaluq hai?

Pappu: Mera 1 joota ammi ke pas tha or 1 abbu ke pas