Waqt Hai Jhonka Hwa Ka, Thehrti Hui Shab-e-Syah Aur Wo Bi Taweel Tar, Kun Har Baat Pe Koste Hain Log December Ko, Kisi Ko Dekhon Tu Mathe Pe Mah-o Sal Milain, Teri Yaad Ki Barf Bari Ka Mosam, December ki sard udass kali Ratoo main, Ye Barish Ye Sard Hawa Ye Hijr Ka Aalm, Ik Bar Tu Milne Aao December Aane Wala Hai, Sard Hawain Kia Chali Mere Shehr Main, December Ki Bhegi Shamon Main, Woh Jise Barish Pasand Na Thi, uru poetry, december poetry, urdu shairy, two line poetry, urdu sms poetry, december ki shairy, heart touching poetry

  DECEMBER POETRY

----------------------***************--------------------------

Waqt Hai Jhonka Hwa Ka, Aur Ham Hain Faqt Pele Pate

Kon Jane Agle December, Tum Kahan Aur Ham Kahan

----------------------***************--------------------------

Thehrti Hui Shab-e-Syah Aur Wo Bi Taweel Tar

Mohsin Hijr Ke Maron Par Qayamat Hai December

----------------------***************--------------------------

Kun Har Baat Pe Koste Hain Log December Ko

Kia December Ne Kha Tha… Mohabat Kar Lo

----------------------***************--------------------------

Kisi Ko Dekhon Tu Mathe Pe Mah-o Sal Milain

Khain Bikharti Hui Dhol Mai Sawal Milain

Aao Kuch Dair December Ki Dhop Mai Bethain

Ye Furstain Hmain Shayad Na Aglay Sal Mlain

----------------------***************--------------------------

Teri Yaad Ki Barf Bari Ka Mosam

Sulagta Rha Dil K Andar Akele

Irada Tha Ji Lo Ga Tuj Se Bichar Kar

Guzrta Nahi Aik December Akele

----------------------***************--------------------------

December ki sard udass kali Ratoo main

Terey hijar kay naag bhot dasaa krty hain

----------------------***************--------------------------

Ye Barish Ye Sard Hawa Ye Hijr Ka Aalm

Ghuman Hota Hai Is Bar December Mar Hi Dale Ga

----------------------***************--------------------------

Ik Bar Tu Milne Aao December Aane Wala Hai

Kesa Guzra Hai Ye Sal Btao, December Aane Wala Hai

Khush Ho Jao K Milne Ka Sal Aa Raha Hai Phir

Wasi Yun Na Aansu Bahao December Aane Wala Hai

Shayad Ab K Baras Bi Wo Lot Kar Na Aye

Tanhion Abi Chor Kar Na Jao, December Aane Wala Hai

Ye Kya K Raat Din Us Ki Yaad Mai Doobe Rehna

Na Gham Ki Barish Mai Nahao, December Aane Wala Hai

Ae Mere Dukhon Ke Sathio Khush Ho Jao

Apne Apne Ghron Ko Sjao December Aane Wala Hai

Kia Pta Phir December Aye Na Aye Jan-e Wasi

Meri Mano Ab Tum Lot Ayo December Aane Wala Hai

Han December Ane Wala Hai

----------------------***************--------------------------

Sard Hawain Kia Chali Mere Shehr Main

Har Tarf Yaadon Ka December Bikhr Gya

----------------------***************--------------------------

December Ki Bhegi Shamon Main

Kali Lambi Raaton Main

Teri Yaad Hamrah Ho Tu

Shamain Yun Hi Guzr Jayen

Raatain Mukhtsar Ho Jayen

Ham Teri Yaadon Mai Kho Jayen

Tu Ye December Tu Kya

Kai December Guzr Jayen

----------------------***************--------------------------

Woh Jise Barish Pasand Na Thi,

Najane Kion? Aj Dair Tak Tanha,

December Ki Barish me  bheegta Raha…

Tu nahi to zindagi mai aur kya reh jaiga door tak tak tanhaaiyon ka silsila reh jaiga, best urdu ghazal, sad urdu poetry, heart touching poetry

Tu nahi to zindagi mai aur kya reh jaiga

door tak tak tanhaaiyon ka silsila reh jaiga

dard ki sari taahein aur sare guzre haadsay

sab dhuaan hojainge ek waaqiya reh jaiga

youn bhi hoga wo mujhe dil se bhula dega magar

ye bhi hoga khud usi mai ek khalla reh jaiga

daair.e.inkaar ke qaraar ki sargoshiyaan

ye agar tootay kabhi to fasla reh jaiga

Wo humsafar tha magar us se hum-nawaai na thi Ke dhoop chhaaon ka aalam raha, judaai na thi, urdu best ghazal, best urdu poetry,

Wo humsafar tha magar us se hum-nawaai na thi
Ke dhoop chhaaon ka aalam raha, judaai na thi

Muhabbaton ka safar is tarah bhi guzraa tha

Shikasta dil the musaafir, shikasta-paayi na thi

Adavatein thi, taghaful tha, ranjishein thi bohat

Bichharne wale mein sab kuch tha be-wafaai na thi

Bichharte waqt un ankhon mein thi hamari Ghazal

Ghazal bhi woh, jo kisi ko abhi sunaai na thi

Kise pukaar raha tha woh doobta hua din

Sadaa to aayi thi lekin koi duhaai na thi

Ajeeb hoti hai raah-E-sukhan bhi, dekh ‘Naseer’

Wahaan bhi aagaye aakhir, jahaan rasaai na thi

Faaslay aise bhi hongay, ye kabhi socha na tha samne betha tha mere aur wo mera na tha, best urdu ghazal, urdu poetry, sad urdu ghazal, urdu shairy, heart touching urdu poetry, adeem poetry, urdu adab

Faaslay aise bhi hongay, ye kabhi socha na tha
samne betha tha mere aur wo mera na tha

khud charha rakhe thay tann per ajnabiyat ke ghilaaf

warna kab ek dosre ko hum ne pehchan na tha

raat bhar pichli he aahat kaan mai aati rahi

jhaank kar dekha gali mai, koi bhi phirta na tha

ye sabhi veeraaniyan uske juda hone se thi

aankh dhundlai hoi thi sheher dhundlaya na tha

sainkron toofan lafzo ke dabe thay zer.e.lab

aik pathar tha khamoshi ka keh jo hilta na tha

yaad kar ke aur bhi takleef hoti thi

ab siwae bhool jane ka chaara na tha

Teri rahmat athhaah! Ya Allaah Main ghariq e gunaah Ya Allaah

Teri rahmat athhaah! Ya Allaah
Main ghariq e gunaah Ya Allaah

Dur beeni ke par bahut chhote

Saazishen, be panaah Ya Allaah

Kitni aabaad hain kamin gaahen

Lut gayi khanqaah!! Ya Allaah

Kiya kare ab tera sipah saalaaar

Dar gayi hai sipaah!! Ya Allaah

Zindagi kitni jabr hai, phir bhi

Kyon hai jine ki chaah Ya Allaah

Aansuon ki pukaar ab sun le!!

Khol bakhshish ki raah Ya Allaah

Jab kabhi zindagi ki rahon pe, chalte chalte mai thak c jati hoon, zindagi ki kahani, khwabon ki taber, best urdu lines, urdu poetry, dream poetry

Jab kabhi zindagi ki rahon pe,
chalte chalte mai thak c jati hoon,

mujhko lagta hai sab adhoora hai

jo mila hai, jo milne wala hai

be-sabab hain musafatein saari

kon pata hai raahatein saari

khwahishein to saraab jesi hain

sach kahon to azaab jesi hain

aise aalam mai phir mujhe aksar

ek sada c sunai deti hai

roshni c dekhai deti hai

jo utarti hai dil ke aangan mai

aur kehti hai aaj moqa hai

aaj maango jo mangna chaho

jo nahi hai tumhare hisse mai

aaj rehmat khuda ki aai hai

khud barasne tumhari hasti per

aaj maango jo maangna chaho

aur mai hoon keh maang leti hoon

apne khwabon ki chand taabeerein

Bohut kathin tha nibhana, nibaah main ne kiya Khud apne aap ko yani tabaah main ne kiya, urdu sad ghazal, best urdu poetry, urdu shairy, best ghazal,

Bohut kathin tha nibhana, nibaah main ne kiya
Khud apne aap ko yani tabaah main ne kiya

Mila tha jab keh mujhe tu sufaid-umri mein

Tujhe bhi pyaar magar be-panaah main ne kiya

Mai tere jism ke ander tha baat karte hue

Tujhe pata bhi nahi jo gunaah main ne kiya

Jo kamsukhan the miyan wo bhi daad dene lage

Kisi ke she'r pe jab waah waah main ne kiya

Tu mere jurm ki tamheed.e.be-gunaahi dekh

Koi wakeel na koi gawaah main ne kiya

Tumhare ishq pe woh naaz hai mujhe janaa...

K is Ghuroor mein sar kaj-kulaah main ne kiya

Bayaan.e.haal mufassal nahi hua ab tak Jo mas'ala tha wohi hal nahi hua ab tak, urdu best ghazal, urdu best poetry, heart touching poetry, beautiful shairy,

Bayaan.e.haal mufassal nahi hua ab tak
Jo mas'ala tha wohi hal nahi hua ab tak

Nahi raha kabhi main teri dastaras se door

Meri nazar se too ojhal nahi hua ab tak

Bichhar ke tujh se ye lagta tha tut jaunga

Khuda ka shukr hai paagal nahi hua ab tak

Jalaye rakkha hai main ne bhi ek chiragh.e.umeed

Tumhara dar bhi muqaffal nahi hua ab tak

Mujhe tarash raha hai ye kaun barson se

Mera wajood mukammal nahi hua ab tak

Daraaz dast.e.tamanna nahi kiya main ne

Karam tumhara musalsal nahi hua ab tak

Ehbaab ki surat ho keh Aghyaar ki surat, Har chehre main aati hai nazar yaar ki surat, best urdu ghazal, urdu best shairy, urdu best poetry by wasif,

Ehbaab ki surat ho keh Aghyaar ki surat,
Har chehre main aati hai nazar yaar ki surat,

Jis ankh ne dekha tujhe, us ankh ko dekhoon,

Hai is ke siwa kya tere deedar ki surat,

pehchan liya tujh ko teri sheesha gari se,

aati hai nazar fun se he funkaar ki surat

surat meri ankhon main samayegi na koi,

nazron main bassi rehti hai sarkaar ki surat

Dil hath pe rakha hai koi hai jo khareeday

Dekhoon to zara main bhi kharidaar ki surat

Wasif ki sar-e-dar pukara hai kisi ne

inkaar ki surat hai na izhaar ki surat

Yeh jo aksar rulatey ho, Mohabbat yun nahi hoti, Mujhay har pal satatey ho, Mohabbat yun nahi hoti, Best urdu ghazal, urdu best poetry, urdu ghazal, urdu poetry,

Yeh jo aksar rulatey ho,  Mohabbat yun nahi hoti,
Mujhay har pal satatey ho, Mohabbat yun nahi hoti,

Mein jab thak haar kar mayous hojaun,

To phir khud hi aa kar mujhay manatey ho,

Mohabbat yun nahi hoti,

Nazar andaz kartey ho tum ashko ki rawani ko,

Khud hi mujh ko manatey ho,

Mohabbat yun nahi hoti,

Kabhi mujh pey mohabbat sey dil-o-jaan waar detay ho,

Kabhi easa jatatey ho,

Mohabbat yun nahi hoti,

Yeh tum umeed rakhtey ho ayan kardun mein sub jazbey,

Magar tum khud chupatey ho,

Mohabbat yun nahi hoti,

Meri janib jo aata hai,Wo rastaa bhool jatey ho,

Hamesha azmatey ho,

Mohabbat yun nahi hoti,

Kabhi to merey ghar key sub ujaloon ko bujhatey ho,

Kabhi jugnu le aatey ho,

Mohabbat yun nahi hoti,

Mohabbat!yun nahi hoti...