Bohat arsa hua ik din mujhe us ne bataya tha, Subah jab so ke uthta hoon to main bas chaye peeta hoon, Mujhe chaye pilao gi ? best urdu ghzal, emotional poetry

Bohat arsa hua ik din mujhe us ne bataya tha,
Subah jab so ke uthta hoon to main bas chaye peeta hoon,
Mujhe chaye pilao gi ?

To kitni chah se maine yeh baiRRa khud uthaya tha,

Usay chaye pilaon gi,

So jab woh roz uthta tha mujhe message main yeh likhta tha,

Fatta-fatt chhat pe ajao,

Meri jaan chaye le ao,

Main us pal mar hi jati thi ,

Woh us lamhe ko jeeta tha,

Bana kar chaye ka ik cup usay jab main thamaati thi,

Utha kar dilnasheen nazren mujhe phir dekhta tha woh,

Mohabbat ke khayalon se phir apne khelta tha woh,

Laga kar hont cup se main usay jhoota pilati thi,

Aur ab bairay ke anay pr mujhe woh dekhta hai phir,

Adaa se us ko kehti hoon chalo do cup mangana phir..

Beqarari si beqarari hai, Vasl hai aur firaq taari hai, Jo guzari na ja saki hum se, Hum ne woh zindagi guzari hai, urdu dhayari, best urdu ghazal, heart touching poetry, romantic poetry

Beqarari si beqarari hai,
Vasl hai aur firaq taari hai,

Jo guzari na ja saki hum se,

Hum ne woh zindagi guzari hai,

Nighare kya huye ke logon pr,

Apna saaya bhi ab to bhari hai,

Bin tumhare kabhi nahin ayi,

Kya meri neend bhi tumhari hai,

Aap mai kaise aaon main tujh bin,

Saans jo chal rahi hai aari hai,

Us se kahiyo ke dil ki galiyon main,

Raat din teri intezari hai,

Hijr ho ya visaal ho kuch ho,

Hum hain aur us ki yadgari hai,

Ik mehak samt-e-dil se aayi thi,

Main yeh samjha teri sawari hai,

Hadson ka hisab hai apna,

Warna har aan sab ki baari hai,

Khush rahe tu ke zindagi apni,

Umar bhar ki umeed-vaari hai..

Dost ban kar bhi nahi sath nibhane wala Wohi andaz hay zalim ka zamane wala, urdu image poetry, best urdu poetry, friend poetry, dost shayari,

Dost ban kar bhi nahi sath nibhane wala
Wohi andaz hay zalim ka zamane wala

Ab usay log samjhte hain giraftar mera

Sakht naadim hay mujhe daam main lane wala

Subah dam choRR geya nikhat-e-gull ki surat

Raat ko guncha-e-dil may simatt aane wala

Kya kahen kitne marasim they hamare us se

Wo jo ik shakhss hai muh phair kay jaane wala

Tere hote huye aa jati thi sari dunia

Ajj tanha hoon to koi nahi aane wala

Muntazir kiss ka hoon tooti hoi dehleez pe main

Kon aye ga yahan, kon hai aane wala

Kya khabar thi jo meri jaan may ghulla hay itna

Hay wohi mujh ko sar-e-daar bhi laane wala

Main ne dekha hay baharon may chaman ko jalte

Hai koi khawb ki tabeer batane wala

Tum takaluf ko bhi ikhlaas samjhte ho Faraz

Dost hota nahi har hath milane wala

Apne honton pe sajaana chahta hoon, Aa tujhe main gungunaana chahta hoon, love poetry, heart touching poetry, urdu best poetry

Apne honton pe sajaana chahta hoon,
Aa tujhe main gungunaana chahta hoon,

Koi aansuu tere daaman pr giraa kar,

Boond ko moti banaana chahta hoon,

Thak geya main karte karte yaad tujh ko,

Ab tujhe main yaad aana chahta hoon,

Chhaa raha hai sari bassti main andhera,

Roshni ko, ghar jalaana chahta hoon,

Aakhri hichki tere zaanon pe aaye,

Maut bhi main shayerana chahta hoon..

Pyar ka pehla khat likhne main waqt to lagta hai, Naye parindon ko urrne main waqt to lagta hai, URDU BEST POETRY, LOVING POETRY,

Pyar ka pehla khat likhne main waqt to lagta hai,
Naye parindon ko urrne main waqt to lagta hai,

Jism ki baat nahin thi un ke dil tak jana tha,

Lambi doori tayy karne main waqt to lagta hai,

Gaanth agar lag jaye to phir rishte hon ya ddori,

Laakh karen koshish, khulne main waqt to lagta hai,

Hum ne ilaaj zakham-e-dil to dhoond liya lekin,

Gehre zakhmon ko bharnay main waqt to lagta hai..

Ranjish hi sahi, dil hi dukhaane ke liye aaa, Aaa phir se mujhe chorr ke jaane ke liye aaa, Urdu Heart Touching poetry, best urdu ghazal, urdu sad ghazal,

Ranjish hi sahi, dil hi dukhaane ke liye aaa,
Aaa phir se mujhe chorr ke jaane ke liye aaa,

Kuch to mere pindar-e-mohabbat ka bharam rakh,

Tu bhi to kabhi mujh ko manaane ke liye aaa,

Pehle se marasim na sahi phir bhi kabhi to,

Rasm-o-raaah-e-duniyaaa hi nibhaane ke liye aaa,

Kis kis ko batayen ge judayi ka sabbab hum,

tu mujh se khafaa hai to zamaane ke liye aaa,

Ik umar se hoon lazzat-e-girya se bhi mehroom,

Ae rahat-e-jaan mujh ko rulaane ke liye aaa,

Ab tak dil-e-khush-fehm ko tujh se hain umeeden,

Yeh aakhri shamen bhi bujhaane ke liye aaa..

Tamaam umar jale aur raushni nahin ki, Yeh zindagi hai to phir hum ne zindagi nahin ki, urdu best poetry, sad urdu poetry, heart touching poetry

Tamaam umar jale aur raushni nahin ki,
Yeh zindagi hai to phir hum ne zindagi nahin ki,

Sitam to yeh hai ke mere khilaaf bolte hain,

Woh log jin se kabhi main ne baat bhi nahin ki,

Jo dil main aata geya sidq-e-dill se likhta geya,

Duaayen maangi hain main ne to shayari nahin ki,

Bass itna hai ke mera bakht dhal geya aur phir,

Mere charaagh ne bhi mujh pe raushni nahin ki,

Meri sipaah se duniya larazne lagi hai,

Magar tumhari to main ne baraabri nahin ki,

Kuch is liye bhi akela sa ho geya hoon nadeem,

Sabhi ko dost banaya hai dushmani nahin ki..

Tu mujh ko jo is sheher main laya nahin hota, Main be-saro-samaan kabhi ruswaa nahin hota, Ghazal Shayari, urdu poetry, best urdu poetry, dukhi poetry

Tu mujh ko jo is sheher main laya nahin hota,
Main be-saro-samaan kabhi ruswaa nahin hota,

Us ki to yeh aadat hai kissi ka nahin hota,

Phir is main ajab kya ke hamara nahin hota,

Kuch pairr bhi be-faiz hain is rahguzar main,

Kuch dhoop bhi aesi hai ke saaya nahin hota,

Khawbon main jo ik sheher bana deta hai mujh ko,

Jab aankh khuli ho to woh chehra nahin hota,

Kiss ki hai yeh tasveer jo banti nahin mujh se,

Main kis ka taqaaza hoon ke pura nahin hota,

Main sheher main kis shakhss ko jeene ki dua doon,

Jeena bhi to sab ke liye acha nahin hota..

Zindagi ek chahat ka silsila hai Koi mel gia tu koi bechar gia, urdu sms poetry, best urdu poetry, urdu classic poetry,

Zindagi ek chahat ka silsila hai
Koi mel gia tu koi bechar gia

Jissy manga ta duawon mai

Wo kesi owr ko bina mangy mel gia

Aap ko bhool jawo'n umar guzarne ke baat hai Aap ko na ho yaqeen, yai owr baat hai, best urdu poetry, famous urdu poetry, heart touching poetry,

Aap ko bhool jawo'n umar guzarne ke baat hai
Aap ko na ho yaqeen, yai owr baat hai

Jab rahegi saans tab tak rahogy yaad

Yai saans toot jaye tu owr baat hai